O Concello de Rianxo impulsa a creación dun Consello Municipal do Mar para abordar a crise marisqueira

O Concello de Rianxo anunciou este luns a creación dun Consello Munipal do Mar, unha medida coa que o Goberno rianxeiro busca dar resposta e solución aos datos preocupantes sobre a caída da produción marisqueira na ría de Arousa.

Os mariscadores demandan á Xunta a rexeneración da ría de Arousa ante o descenso da produción

Tal e como destacaron o pasado 22 de xaneiro dende a Plataforma en Defensa da Ría de Arousa (PDRA) e diversas confrarías e produtores de mexillón, todas as lonxas da ría pecharon o 2024 cun descenso do 50% nas vendas de bivalvos respecto á media dos últimos cinco anos. Un descenso que implicou unhas perdas nas lonxas arousanas de 44,6 millóns de euros nestes anos.

Las lonjas arousanas perdieron 44,6 millones en los últimos cuatro años

Por iso, ante este escenario que pon en alerta ao sector, dende o goberno de Rianxo pretendese impulsar esta medida coa que se busca "aglutinar a todos os axentes implicados na defensa do sector pesqueiro e marisqueiro da zona" e crear un espazo de diálogo e debate onde "abordar a situación que se está vivindo", tal e como destacou a concelleira de Mar e Participación Veciñal, Olalla Figueira.

A edil rianxeira avanzou que xa se está traballando nunha proposta de regulamento para o Consello, "que remitiremos ás partes implicadas nos próximos días". "É o momento de deixar de lado calquera diferenza para traballar conxuntamente na defensa dun sector produtivo fundamental para Rianxo".