O Concello de Rianxo impulsa accións formativas sobre o monte e renova a iluminación do paseo marítimo

O Concello de Rianxo vén de sacar a licitación dúas iniciativas clave para o municipio: un programa de formación en xestión e aproveitamento do monte e a renovación da iluminación do paseo marítimo.

El Laboratorio Ecosocial do Barbanza impulsa una comunidad energética en Rianxo: "¡Queremos ahorrar en la factura de la luz!"

A primeira das actuacións corresponde á licitación dun programa formativo dirixido á veciñanza, cun orzamento superior aos 74.000 euros. Este proxecto enmárcase dentro do proxecto 'Laboratorio ecosocial do Barbanza', unha iniciativa financiada cunha subvención de 1.900.000 euros do Ministerio para a Transición Ecolóxica e o Reto Demográfico. O obxectivo do proxecto é promover unha xestión multifuncional e sustentable do territorio, coa participación de entidades como o propio Concello ou a Plataforma pola Defensa do Monte.

As accións formativas abranguerán temas como os traballos silvícolas, a xestión de gando en extensivo, o aproveitamento micolóxico e resineiro, o cultivo do castaño e a apicltura. Deste xeito, búscase fomentar o coñecemento e o aproveitamento racional dos recursos naturais da contorna.

Por outra banda, tamén se vén de licitar a primeira fase da renovación da iluminación do paseo marítimo de Rianxo. Cun investimento duns 30.000 euros, esta fase centrarase no tramo comprendido entre Setefogas e a Carballeira. As luminarias actuais serán substituídas por novos modelos con tecnoloxía LED, máis eficientes enerxeticamente, o que permitirá reducir o consumo eléctrico e mellorar a iluminación da zona.