O Concello de Ribeira cambia o sentido da circulación nas rúas Pedro Arias, Barbanza e Feira

O Concello de Ribeira empezou a executar este mércores as obras da nova configuración viaria nas rúas Mariño de Rivera, Barbanza, Pedro Arias e Feira.

A rúa Mariño de Rivera pasa a ser de dobre sentido. Os estacionamentos da marxe esquerda sitúanse agora na dereita. Este cambio facilita o acceso aos Xulgados e á Policía Local.

As rúas Barbanza, Feira e Pedro Arias cambian o sentido da circulación; así, os residentes e os usuarios dos servizos públicos poden escoller entre saír pola avenida Miguel Rodríguez Bautista, como ata o de agora, ou pola avenida da Constitución, tras a inminente apertura ao tráfico da prolongación da rúa Barbanza, por detrás do novo auditorio.

Adxudican por 2,5 M€ a humanización da travesía de Palmeira

Por outra banda, o PP instou ao Goberno local a revisar os recentes cambios de dirección implantados na contorna do centro escolar de Palmeira. A formación recolleu 167 sinaturas entre a veciñanza en apoio á súa petición. «Os cambios están a xerar importantes prexuízos, afectando á circulación máis alá do horario lectivo e comprometendo a seguridade viaria na zona», explican dende o PP.

A formación solicita que as modificacións sexan revisadas, «considerando solucións máis acordes coas necesidades da veciñanza». O PP propón limitar as novas direccións exclusivamente ao horario lectivo.