O BNG esixe no Parlamento o remate da "situación demencial" dos centros de saúde de Ribeira e Aguiño

A crise sanitaria nos centros de saúde de Ribeira e Aguiño chegou este martes ao Parlamento galego, onde o BNG exixiu á Xunta que poña fin á "situación demencial" que padecen profesionais e pacientes. A deputada Rosana Pérez liderou a denuncia nun pleno ao que asistiron un cento de veciños afectados, ademais do alcalde de Ribeira, Luís Pérez.

Vecinos de Aguiño se reúnen con el Conselleiro de Sanidade para abordar la falta de médicos en el centro de salud

A principal demanda do BNG é a dotación do persoal médico necesario nos dous centros, especialmente en Aguiño, onde as prazas seguen sen cubrirse de forma estable. "Cando van ter Aguiño e Ribeira o persoal médico que necesitan e que lles corresponde?", preguntou a deputada nacionalista, que criticou que a única solución da Xunta ata agora foi "vestir un santo para desvestir outro", trasladando médicos dun centro a outro sen resolver o problema, como indicou.

Pérez advertiu que esta falta de persoal "é insostíbel", cun centro de saúde en Ribeira con máis de 20.000 pacientes que só ten dez médicos cando debía contar con 15, ou con mobilizacións semanais en Aguiño dende hai cinco meses.

A Xunta achacao á falta de médicos a nivel estatal

Pola súa banda, o conselleiro de Sanidade, Antonio Gómez Caamaño, defendeu a xestión da Xunta, asegurando que a asistencia sanitaria está garantida mediante reorganizacións de persoal. Explicou que Ribeira conta cun total de 18 médicos de familia repartidos en catro centros, aínda que recoñeceu que actualmente existen catro vacantes por xubilacións e incapacidades temporais.

Os veciños e o alcalde de Ribeira concentranse no Centro de Saúde de Aguiño para protestar pola falta de persoal médico

Gómez Caamaño tamén sinalou que a falta de médicos non é exclusiva de Galicia, senón un problema a nivel estatal. Criticou a inacción do Goberno central e destacou que Galicia leva meses reclamando medidas como a ampliación voluntaria da idade de xubilaciñon ata os 72 anos ou a homologalización áxil de títulos de médicos estranxeiros. "Médicos máis maiores, non máis médicos, esa é a súa solución, señor conselleiro", manifestou ao respecto Rosana Pérez.

Os veciños de Aguiño volven á rúa para esixir máis médicos

O titular de Sanidade reiterou o seu compromiso de buscar solucións para Aguiño, asegurando que estudará "todas as fórmulas posibles" para cubrir as prazas vacantes. Con todo, a oposición nacionalista segue sen confiar nestas palabras. "Non nos fiamos", incidiu a nacionalista recordando como se pecharon na pandemia os centros de saúde de Cabo de Cruz e Taragoña e "permanecen pechados".

A deputada do BNG conluíu lembrando que, máis aló da voluntariedade dos médicos, a sanidade pública sostense grazas á "extraordinaria dedicación do persoal sanitario", e pediu ao conselleiro unha resposta clara: "Se non hai voluntarios, cal vai ser a súa próxima ocorrencia?".