Outes avanza na modernización dixital con novas infraestruturas en telecomunicacións

O tenente de alcalde e concelleiro de comunicación de Outes, Anxo Núñez Fernández, realizou unha visita ás instalacións da torre de telefonía móbil de Piñeiro, que xa leva meses proporcionando servizo a unha parte da veciñanza da parroquia de Santo Ourense. Esta actuación foi feita a través dun convenio asinado no 2022 con RETGAL para a mellora das comunicacións en zonas de caencia de cobertura.

A primeira vivenda social de Outes xa está lista na antiga unitaria do Bosque

Ademais, tamén está en marcha a construcción dunha nova torre de telefonía e Roo de Arriba, que beneficiará aos veciños das parroquias de Roo, Tornil e áreas lindeiras.

Durante a súa visita, o concelleiro aproveitou para facer un repaso dos avances conseguidos no que vai de mandato no desprazamento das tecnoloxías de telecomunicacións como a fibra óptica conseguindo levala a lugares con longa reivindicación como Cabanamoura, Cando ou dotando de servizo a toda a parroquia de Outes que ate o momento carecía dela.

Estas melloras nas instalacións de telefonía súmanse á recente nova iluminación do campo de fútbol, que xa está en funcionamento dende esta semana. A obra, que supuxo un investimento de 51.004 euros, súmase á renovación das luminarias do Pavillón Municipal, onde se investiron 21.990 euros.