As dragaxes de oito portos do Barbanza levan 4 anos aparcadas á espera do permiso estatal para mover os áridos
Tras prohibirse o depósito a 2 millas de Sálvora, Portos presentou 3 alternativas, pero o Goberno central aínda non autorizou un novo punto
Suso Souto
O escaso calado da dársena do Testal (Noia) motiva que as embarcacións marisqueiras deban atracar pousadas no fango, como informou este luns este xornal. Ocorre cada dúas semanas, coincidindo coas mareas vivas. A confraría leva anos reclamando unha dragaxe na que Portos de Galicia asegura estar traballando.
O organismo autonómico está elaborando a documentación ambiental para a súa posterior tramitación. Ata agora fixéronse unha batimetría, unha caracterización do material e estudos de campo e laboratorio.
Estes estudos ambientais permitirán definir o destino da area que se extraerá, xa que no caso de ser de alta calidade poderá utilizarse para a rexeneración de praias. Do contrario, sería necesario depositar os áridos en altamar. E, se iso ocorrese agora, suporía un problema, porque Portos ten paralizados 16 proxectos de dragaxes portuarias en Galicia (8 deles en Barbanza) á espera de que o Estado autorice un novo punto para depositar os áridos, despois de que en 2021 prohibira seguilo facendo a dúas millas da illa de Sálvora (Ribeira).
Daquela, o Ministerio para la Transición Ecológica y el Reto Demográfico tomou esa decisión ata dispor dun estudo de alternativas. Un estudo que Portos de Galicia lle remitiu en 2022 e sobre o que o Ministerio solicitou máis documentación e traballos de campo, que se lle enviaron o ano pasado.
As dragaxes en standby no Barbanza son as dos portos de Palmeira e Aguiño (Ribeira); A Pobra; Cabo de Cruz e Escarabote (Boiro); Porto do Son e Portosín (O Son); e Rianxo.
Un informe considera agora como prioritaria a zona de vertedura desautorizada en 2021
A Xunta de Galicia vén de recibir o avance do informe técnico do CEDEX (organismo técnico de recoñecido prestixio, dependente do Goberno central) en relación á proposta de puntos de depósito dos áridos procedentes das dragaxes das Rías Baixas. Nel conclúese que o punto E-8, nas inmediacións de Sálvora, «deberá ser considerado prioritario sobre outras alternativas». Trátase do mesmo punto de depósito de áridos que se viña empregando ata abril de 2021, cando o Ministerio decidiu non autorizar máis alí, o que supuxo a paralización da tramitación das 16 dragaxes previstas no sur de Galicia á espera do seu informe favorable.
Así mesmo, o informe valora como adecuados os outros dous puntos propostos pola Xunta de Galicia, denominados B e D, ubicados no norte e no sur das Rías Baixas, respectivamente.
Suscríbete para seguir leyendo
- Adiós a la lluvia: Galicia se prepara para dejar en casa los paraguas y pone fecha a la vuelta del sol
- Uno de los mejores panes de España se hace en Santiago: 'Un día normal aquí son 14 horas de trabajo
- Estos son todos los cortes de tráfico por el desfile de Carnaval de este martes en Santiago
- Un restaurante de Santiago conquista la alta cocina y suma su primer Tres Soles Repsol: 'Ha construido un universo propio
- Rodada en Santiago y ambientada en el Entroido gallego: así es la nueva película que llega a Prime Video
- Martiño Noriega, ex alcalde de Santiago, y su noche especial de concierto en pleno Entroido
- La autora de la novela de la que todo el mundo habla viene a Santiago esta semana
- Los residentes rechazan el sentido único en la rúa do Rego para evitar rodear O Milladoiro
