Case 580 barbanceses usan a teleasistencia da Deputación

O presidente da Deputación da Coruña, Valentín González Formoso, participou este venres no xantar de confraternidade da terceira idade de Boiro, onde destacou «o papel fundamental das persoas maiores na sociedade» e lembrou as dificultades que atravesaron nos tempos máis difíciles.

Estos son los cambios que trae consigo la reforma de la ley de dependencia

Formoso destacou «o esforzo das xeracións que nos precederon, que fixeron posible o Boiro de hoxe, un dos municipios máis puxantes e dinámicos da provincia».

Acompañado polo alcalde, José Ramón Romero, Formoso compartiu a xornada con máis de 500 persoas no pavillón de Barraña, nun evento organizado polo Concello. Durante a súa intervención, puxo en valor o compromiso do Goberno local coa atención ás persoas maiores e o apoio que recibe da Deputación para mellorar os servizos sociais.

En Barbanza, 572 persoas contan co servizo de teleasistencia da Deputación, das cales 94 residen en Boiro. Ademais, a institución provincial financia máis de 42.000 horas anuais de Servizo de Axuda no Fogar na zona.

O alcalde dixo que «todo o que somos como pobo debémosllo ao voso traballo durante décadas, e desde o Concello imos seguir traballando para que Boiro sexa un lugar cómodo para os maiores e dotado dos servizos necesarios».