O alumnado da Escola de Música de Rois deslumbra nun concerto xunto ao cuarteto Delta

O pasado sábado, 15 de marzo, o auditorio municipal de Rois albergou unha gran xornada musical cun concerto do grupo Delta acompañado polo alumnado da Escola Municipal de Música de Rois (ESMU).

O concerto comezou coa interpretación conxunta dos temas Yesterday e Jazz Suite, a cargo da Orquestra de Cordas da ESMU e o cuarteto Delta. A continuación, Leire Suárez (violín) e Ileana Alba Piñeiro (violencello), ofreceron unha emocionante versión de Sad Movie, acompañadas polos músicos Juanjo Fernéndez (piano) e Hilario Rodeiro (batería).

Tras esta primeira parte do concerto, Delta tomou o relevo para ofrecer un percorrido polos temas do seu disco Casa, composto polo propio Juanjo Fernández. O cuarteto, formado tamén por Elena Domínguez, profesora de violoncello da ESM, e Amparo Cánovas, antiga profesora de violón na escola e que se incorporou recentemente ao Conservatorio de Santander, conseguiu conectar co público cos seus acordes.

O evento foi presentado polo directora da ESMU, Manuel Villar, quen destacou a importancia desta experiencia para o alumnado da escola, brindándolles a oportunidade de compartir escenario con músicos profesionais.