O novo Punto de Atención á Infancia de Urdilde abrirá o vindeiro curso cunha vintena de prazas

Rois contará cun novo Punto de Atención á Infancia (PAI) a partir do vindeiro curso 2025-2026. Ubicado en Urdilde, este centro acollerá ata 20 nenos de entre 0 e 3 anos. A conceselleira de Política Social e Igualdade, Fabiola García, visitou este sábado 15 as obras xunto ao alcalde, Ramón Tojo, para coñecer o estado das mesmas.

As instalacións do novo PAI habilitaronse na antiga escola unitaria de Urdilde, cunha subvención de 123.000 euros aportada pola Xunta. Durante a súa visita, a conselleira subliñou que este novo centro permitirá a moitas familias de Rois compatibilizar a súa vida laboral e persoal, ademais de incrementar nun 50% a oferta educativa para a etapa infantil no municipio.

A comitiva, conformada tamén polo director xeral de Familia, Infancia e Dinamización Demográfica, Jacobo Rey; a concelleira de Servizos Sociais, Mercedes Basante; e os concelleiros José Luis Ares e Antonio Esparís; trasladouse á escola infantil A Galiña Azul de Rois, onde a conselleira anunciou a apertura do prazo de inscrición para todas as escolas infantís públicas de Galicia.

As familias poderán solicitar praza ata o vindeiro 4 de abril, no que será o cuarto ano de gratuidade destos centros, un modelo pioneiro que beneficiou a máis de 32.000 familias na comunidade.