A Pobra celebra o Día Mundial da Poesía cun recital aberto ao público

A Pobra acollerá por segundo ano consecutivo unha cita para celebrar o Día Mudial da Poesía. Será este venres 21 no Auditorio da Biblioteca Victoriano García Martí cun recital especial.

A Pobra celebra o sorteo do xogo 'Sete Rosalías' con gran participación infantil

A cita reunirá catro destacados autores da zona como son Manuel Teira, Anxos Castro, María Fernández e Manuel López Rodríguez, que compartirán os seus versos co público asistente. Ademais, o evento contará coa actuación especial da soprano Esperanza Mara, que engadirá un toque musical á xornada.

"Logo do éxito do ano pasado, dende a Concellería de Cultura queremos poñer en valor unha vez máis a poesía e dar visibilidade aos e ás poetas, nun acto participativo ao que todo o mundo está convidado", indicou a concelleira de cultura, Patricia Lojo.

Unha das principais novidades desta edición é a posibilidade de que o público tamén se converta en protagonista. Tras o recital dos autores convidados, todas aquelas persoas que o desexen poderán ler os seus propios poemas entre os asistentes, fomentando así a participación cidadá e o amor pola poesía.