O CEIP Heroínas de Sálvora inaugura as visitas teatralizadas sobre o naufraxio do Santa Isabel

O alumnado de infantil do CEIP Heroínas de Sálvora foi o primeiro en participar este venres na visita teatralizada As heroínas de Sálvora e o Santa Isable, unha iniciativa impulsada polo Museo Municipal de Ribeira. Este ciclo de visitas, que se estenderá ata xuño, busca achegar ao público infantil a historia do heroico rescate das mulleres da Illa de Sálvora na traxedida do naufraxio do Santa Isabel, acontecido o 2 de xaneiro de 1921.

El buque más moderno de Salvamento Marítimo ya sigue la estela de las Heroínas de Sálvora

A cita contou coa presenza da concelleira de Cultura, Antía Alberte, e do concelleiro do Mar, Fernando Abraldes, que destacaron a importancia de divulgar esta parte da historia local entre os veciños. "Comezamos dende as escolas porque pensamos que dende a infancia temos que transmitir eses valores de arraigamento, e nutrilos da historia do noso municipio", indicou a concelleira.

Pola súa banda, o técnico do museo, Miguel Vidal, explicou que a actividade está aberta a todas as escolas do municipio e mesmo de fora, aínda que sempre con "reserva previa para avisar a Cipriana para que nos veña a explicar que pasou aquela fatídica noite do 2 de xaneiro do ano 1921".

Durante a presentación, o concelleiro do Mar anunciou que o vindeiro 18 de abril, o museo acollerá un acto de "homenaxe á Muller do Mar no que este ano imos a homenaxear ás redeiras".