O PSOE di que Xunta e Concello de Noia recortaron en mil metros cadrados a superficie do futuro centro de saúde

O deputado autonómico do PSdeG Julio Abalde acusou este martes a Xunta e Concello de Noia de suprimir 1.000 metros cadrados de superficie útil no proxecto para o novo centro de saúde desa localidade, "reducindo unha cuarta parte o proxecto asinado en 2022".

Noia sumará 350 plazas de estacionamiento libre en la unidad de actuación del nuevo centro de salud

Abalde presentou unha proposición non de lei na Comisión de Sanidade para que a Xunta fixera valer o proxecto asinado, pero foi rexeitada polo PP.

Abalde explicou que "de acordo co convenio asinado en 2022, o Concello poñería a disposición unha parcela de 1.900 metros cadrados para construír un centro de dúas plantas cunha superficie de 4.200 metros cadrados, pero no proxecto que saíu a licitación finalmente o Concello reduciu a parcela ata os 1.300 metros cadrados, obrigando a facer un centro máis pequeno, con 3.300 metros cadrados útiles, e perdendo polo camiño 2 millóns de euros na construción".

"Con esta decisión, obriga a mudar o deseño do centro de saúde para dotalo de máis plantas, dificultando a súa funcionalidade e incumprindo os criterios de calidade do propio Sergas, que sinala que os centros de saúde teñan unha ou dúas plantas como máximo", dixo Abalde.

Marea de Noia di que se reducirá o persoal un terzo nas Urxencias

O deputado socialista reclamoulle ao Goberno galego "que siga o mesmo camiño que no veciño Concello de Porto do Son, onde obrigou a mudar os terreos cedidos polo Concello para manter o número de plantas que recomendan".

O responsable socialista sinalou que "o único que mudou entre 2022 e 2025 foi o conselleiro de Sanidade, demostrando que neste momento a calidade do servizo non é a prioridade do Goberno galego".

Abalde salientou a importancia de ofrecer un servizo de calidade en Noia, "que acubilla o centro de referencia en Urxencias para 30.000 veciños e veciñas de Noia, Lousame, Outes e Porto do Son".