Ribeira celebra o Día da Danza no Malecón cunha clase aberta

Ribeira celebrará o Día Internacional da Danza no Malecón o día 4 de maio, ás 14.00 horas, cunha mostra de Line Dance e Baile Social. Á presentación asistiron a concelleira de Cultura, Antía Alberte, xunto co director técnico pedagóxico, Francisco Muñiz.

Line Dance e Baile Social «vén sendo unha clase aberta baixo o título Emociónate co Baile, que con motivo do Día Internacional da Danza presenta o Taller Alecrín en colaboración coa concellería de Cultura», afirmou Alberte, quen sinalou ademais que «no caso de mal tempo se trasladará á Carpa Municipal».

Campaña especial do Día da Nai para incentivar as compras en Ribeira

Francisco Muñiz salientou que «se pretende mostrar a importancia da promoción e ensinanza do baile a tódolos niveis e sectores da poboación cun evento aberto e participativo no que se poda ver a forma de traballo das alumnas e alumnos que asisten aos obradoiros de Line Dance e Baile Social».

Unha exposición pon en valor en Ribeira o labor das redeiras

O evento constará dunha selección de propostas de Linedance e Baile Social, coreografías de grupo, xogos e algunha que outra proposta para provocar a participación de tódolos asistentes.

Francisco Muñiz amosou o seu agradecemento ás entidades que fan posible este tipo de iniciativas, aos alumnos e alumnas dos obradoiros e ao Concello de Ribeira.