Muros creará unha nova área de lecer en Esteiro e renovará o parque de Louro

O Concello de Muros aprobou nun pleno extraordinario solicitar á Deputación da Coruña unha subvención para realizar as obras de construción dunha nova área de lecer en Esteiro, así como a mellora do parque infantil de Louro.

A petición saiu adiante cos votos a favor de BNG, PSdeG e Muros Centrado, e a abstención do PP. A subvención solicitada é de 186.968,79 euros, o que supón o 80% do orzamento total das dúas actuacións (232.460,99 euros).

Muros dota de saneamento á localidade de A Rola-Serres

“Son dúas obras importantes e necesarias, que dan resposta ás nosas prioridades como goberno local e ás demandas das familias”, asegura a alcaldesa de Muros, María Lago.

No caso de Esteiro, trátase dunha nova área de lecer para as familias, mentres que a outra obra servirá para renovar o parque infantil que está ao carón do CEIP de Louro.

O Concello de Muros amplía a todas as praias a prohibición de fumar

“A reforma en Louro servirá para aumentar o número de elementos de xogo e a renovación das pistas deportivas, incluíndo unha nova zona axardiñada, con mesas, bancos e puntos de auga”, engade a alcaldesa.