O alcalde sonense destaca o papel da Asociación de Xubilados na sociedade durante a presentación da súa nova directiva

O alcalde de Porto do Son, Luis Oujo, acompañado polos membros do Goberno local, participou no acto de presentación da nova directiva da Asociación de Xubilados.

O presidente da entidade, Antonio Juncosa, e o secretario, Fernando Rovelo, deron a coñecer aos socios e socias o equipo que liderará esta nova etapa, marcada polo impulso á participación e á actividade social das persoas maiores do municipio.

O Son estrena el edificio de las sedes del Club de Jubilados y del Náutico

Durante o acto, o rexedor destacou o papel “fundamental” que desenvolven desde a asociación, que “contribúe de maneira moi notoria a mellorar a calidade de vida dos nosos veciños e veciñas máis maiores". "Desde o Concello sempre estaremos ao voso carón, impulsando o benestar e a cohesión social no municipio”, dixo.

Na entidade contan cunha completa programación de actividades, na que se inclúen clases de baile en liña, ximnasia, roldas de xogos e baile con música en directo todos os sábados, ofrecendo alternativas de lecer saudables e espazos de encontro para a veciñanza xubilada.