Mar dota o porto de Rianxo de luminarias LED

A Consellería do Mar, a través de Portos de Galicia, inviste 210.000 euros nas obras de renovación das luminarias do porto de Rianxo por tecnoloxía led de alta prestación e control telemático. As obras están en execución esta semana e permitirán modernizar o alumeado exterior do porto, reducindo o consumo enerxético.

A Xunta recoñece cunha axuda extra as accións de dinamización dos centros comerciais abertos de Boiro e Rianxo

Esta actuación enmárcase nun plan global para unha trintena de dársenas autonómicas no que Portos de Galicia inviste este ano 3 millóns de euros para dotar de sistemas de alumeado exterior sustentable ao sistema portuario autonómico.

No porto de Rianxo estase a actuar sobre 169 luminarias e proxectores para a súa renovación, incluíndo a retirada das instalacións existentes, substitución polos novos equipos LED, así como a dotación de sistemas de telexestión.

Rianxo acondicionará en Asados o vial de Montegrande a Atalaia

O obxectivo principal destes traballos de modernización é reducir a contaminación ambiental e luminosa nos espazos portuarios, co apoio dun sistema de control remoto das luminarias. Así, aportarase maior comodidade visual aos seus traballadores e usuarios ademais de procurar ese aforro enerxético estimado do 60%.

Os equipos de altas prestacións, deseñados para traballar en espazos portuarios, destacan pola súa durabilidade en ambientes mariños.