Estes son os gañadores do XVI Premio Internacional de Gravado Atlante de Ribeira

O italiano Marco Poma fixóse co galardón máis importante do XVI Certame Internacional de Gravado Atlante, que convoca a Fundación Museo do Gravado de Artes (Ribeira). Trátase do Premio Ramiro Carregal, de 5.000 euros, e a obra titúlase Cratere nord-est.

O Museo do Gravado de Ribeira cederalle 370 obras das súas coleccións a China, Alemaña e Portugal

Os dous premios Concello de Ribeira (dotados cada un con 2.500 €) foron para Vittorio Venturoli, de Italia, pola obra In Grembo #1, e Áurea Muñoz del Amo, de Badajoz, pola obra Nube.

O Premio Congalsa (2.500 euros) foi para Nuttakarn Vajasut, de Tailandia, pola obra Hope springs eternal. O Premio Galicia-Pedras de Santiago (2.500 euros) gañouno Rosa María García Martínez, de Vigo, pola obra Habitación con vistas, e o Premio Manuel Ayaso, para menores de 25 anos, Sara Vettorello, de Italia, por unha obra presentada sen título.

O xurado (formado por Alfonso Costa, Soledad Penalta, Carmen Hermo, Isabel Pintado, Juan Monterroso, José Manuel López e Daniel Buján) concedeu mencións de honra a Ekin Yagman, de Arabia Saudí; Miguel Muñoz Pérez, de Madrid; Mirta Gendin, de Arxentina; Manuel Lareo, da Coruña; e Erika Suda, de Italia.

Presentáronse 304 obras de 224 artistas (55 deles menores de 25 anos) de 15 países: España, Italia, Portugal, Polonia, Arxentina, Ucrania, Tailandia, Canadá, Francia, Chile, Israel, México, Turquía, Alemaña e Colombia. 

Os premios entregaranse o trece de setembro.