SAÚDE
Sanidade garante a atención pediátrica en Muros
O conselleiro asegurou á alcaldesa que o cupo de pacientes está dentro do recomendado
Antonio Gómez e María Lago na xuntanza mantida este xoves. / X. G.
O conselleiro de Sanidade, Antonio Gómez Caamaño, acompañado polo xerente da área sanitaria de Santiago de Compostela e Barbanza, Ángel Facio, reuniuse coas alcaldesa de Muros, María Lago, para abordar a situación da atención sanitaria no municipio.
Gómez, confirmoulle á rexedora muradá que a atención pediátrica no municipio está garantida polo Servizo Galego de Saúde, no marco das recomendacións das sociedades científicas en canto a número de pacientes por profesional.
Indicou que a pediatra titular do centro de saúde de Muros, recentemente incorporada tras ausencia xustificada, asume a atención de algo máis de 900 nenas e nenos. "Séguense así as recomendacións establecidas polas sociedades científicas da especialidade, que fixan unha referencia de 1.000 pacientes por cupo de atención pediátrica", afirmou.
No centro de saúde de Muros quedou vacante outra praza pola xubilación do seu titular e a asistencia está a ser reforzada varios días á semana por outro profesional que, de maneira voluntaria, complementa a súa xornada ordinaria. O resto dos días, a pediatra actualmente en activo asume a atención dos pacientes adscritos a esa praza, garantindo así a continuidade asistencial.
O conselleiro trasladoulle tamén a María Lago as dificultades de cubrir as ausencias ante o déficit actual de profesionais de pediatría de atención primaria en toda España. Neste sentido, convidouna a sumarse á Xunta e ao Parlamento de Galicia e a reclamar ante o Ministerio de Sanidade medidas eficaces para paliar a falta de médicos de familia e pediatras de atención primaria.
En todo caso, subliñan dende a consellería, cando se produce unha ausencia xustificada en Muros, os menores de 3 anos son atendidos por especialistas en pediatría nos centros de saúde de Noia, por razóns de proximidade xeográfica. O resto da poboación pediátrica pode recibir "unha correcta atención" polos profesionais de medicina familiar e comunitaria do seu centro de saúde, que están altamente cualificados para a atención médica ás persoas ao longo de toda a vida.
- El dieciocho: el nuevo espacio gastronómico de Área Central que ostentará la pizzería más premiada de Galicia
- Santiago se queda sin servicios mínimos de transporte urbano: los piquetes impiden la salida de los buses de Amio
- ¿Qué supermercados abren este puente de la Constitución en Santiago?
- La carrera por el Rectorado de la Universidade de Santiago tendrá cuatro candidatas: Mar Lorenzo no se presenta
- Biotecnología rural a base de castañas: 'Queremos crear una industria de enzimas en Galicia
- Luto en Santiago por la muerte de Teté Otero Davila, referente del patinaje artístico en la ciudad
- Investigan a una vecina de Santiago por tener a cuatro simpapeles sin cobrar y viviendo en condiciones 'deplorables
- Un fotógrafo compostelano conquista el LUX de Oro, el máximo galardón de la fotografía profesional de España
