Carmen González presenta en Aguiño a novela curta 'A Forcadiña'
O dous por cento da recadación polas vendas da obra destinarase á Asociación Coruñesa de Esclerosis Múltiple
Carmen González, sentada á dereita, con directivos da Asociación Francisco Lorenzo Mariño. / Cedida
Añádenos en GoogleA Casa do Mar de Aguiño (Ribeira) acolleu a presentación da novela curta A Forcadiña, da ribeirense Carmen González. O acto, organizado pola Asociación Cultural Francisco Lorenzo Mariño, contou con medio cento de asistentes, entre os que se atopaban membros da Corporación municipal e do Goberno local, como as concelleiras de Cultura, Ana Barreiro, e de Educación, Juana Brión, e o tenente de alcalde, Vicente Mariño.
Asistiron tamén representantes do tecido social, como José Manuel Vilas, presidente do Xuventú Aguiño; José Antonio Santamaría, patrón maior de Aguiño; e a presidenta da Asociación Francisco Lorenzo Mariño, Elvira Pisos, acompañada de membros da directiva.
O vicepresidente da entidade cultural, Unai González, presentou o acto acompañado de Xabier López Marqués, escritor, profesor e doutor en Filoloxía Hispánica e Literatura en Ensino Medio, que desgranou os aspectos literarios e de escrita da novela, analizando os personaxes, o tempo e a linguaxe.
López dixo que a obra sorprendeulle "polo ben escrita que está; a pesar de ser unha primeira novela da autora, ben podía ter sido a derradeira, pola calidade literaria da mesma".
Pola súa banda, Carmen González agradeceu á asociación a disposición para organizar o acto, e a Xabier as loubanzas e que apostara por ela dende o primeiro momento hai dous anos, cando o libro era só un boceto, e recitou un poema.
A portada do libro, coa illa de Sagres, é un deseño do seu fillo Carlos.
A novela é do xénero policiaco; fala de lugares de Aguiño e Ribeira e ambiéntase entre a actualidade e os anos oitenta. A obra aborda temas como o maltrato, o feminismo, o movemento LGTBIQ+, etc.
O 2% da recadación polas vendas deste libro destinarase á Asociación Coruñesa de Esclerosis Múltiple.
- La orquesta que quiere devolver a las verbenas las canciones que marcaron a toda una generación
- Las fiestas de a Nosa Señora da Mercé de Conxo vuelven con música, pulpo y un emotivo homenaje a Kiko Fernández
- Christian Gálvez vuelve a Galicia: «Elegí Jacob para el ‘prota’ del libro que abre la saga como homenaje a Santiago»
- Compostela perde un dos seus activistas culturais: morre aos 52 anos Gonzalo Suárez Castro, da Unitaria
- La infracción de tráfico más repetida en Santiago deja más de 600 denuncias en solo un año
- El primer parking subterráneo público de Ames, de pago, listo en O Milladoiro
- El delegado del Gobierno sobre la transferencia de la AP-9 a Galicia: 'Creo que seremos capaces de llegar a un acuerdo
- «É unha máis da familia»: el quinto verano de Mariam en Ames
