O Pampallín enche Outes de música, circo e ambiente festivo

Centos de mozos e mozas gozaron en Outes da vixésimo sexta edición do festival Pampallín, que encheu a Praza de Galicia.

A música foi a gran protagonista dunha cita consolidada, que xuntou na capital outiense artistas de primeiro nivel, como Unto Vello, Broken Peach, 9Louro e o Grupo Cayenna. A velada complementouse co espectáculo Circo de lume, a cargo de Asacocirco.

Non faltou tampouco á cita unha polbeira para complementar gastronomicamente a festa.

A celebración incluíu o Pampallín miúdo, no que os máis pequenos puideron gozar de inchables, xogos tradicionais e espectáculos circenses, ademais da música urbana con Kid Mount.

Unha cita festiva que contou co apoio da Xunta de Galicia, Deputación da Coruña e do Concello de Outes, ademais de diversas entidades colaboradoras, como Protección Civil, Adisbismur, Asociación A Riola de Outes, Asociación de Veciños Pontenafonso e a ADC Esteirana de Carrilanas.

'Festa rachada' con Irene Miranda

Ademais, Outes acolleu a estrea teatral da obra Festa rachada, unha obra escrita, montada e dirixida pola actriz local Irene Miranda.

O alcalde, Francisco Calo, asegurou que "foi un éxito total, e estamos moi orgullosos de que unha moza de Outes esté a triunfar co Centro Dramático Galego, e que se acorde da súa terra".

Calo subliñou tamén a "aposta que vén facendo o Concello pola cultura, e especialmente polo teatro". Lembra que recentemente formalizaron a integración na rede cultural do Agadic para "poder traer a Outes unha oferta de maior calidade".

Teatro