O PSOE de Ribeira reclama responsabilidades polo atraso de máis dun ano na obra do Edificio de Deportes Náuticos de Aguiño
A formación insta o Goberno a "examinar formalmente o incumprimento dos prazos e valorar, se procede, a imposición das sancións"
Estado actual das obras do Edificio de Deportes Náuticos de Aguiño. / Cedida
Añádenos en GoogleO PSOE de Ribeira vén de presentar por rexistro unha petición ao Goberno local para reclamar que o Concello actúe ante os "reiterados atrasos" nas obras do Edificio de Deportes Náuticos de Aguiño, unha infraestrutura que debía estar rematada ao redor de maio de 2025 e que segue en construción.
O portavoz socialista, Francisco Suárez-Puerta, sinalou que “esta obra non é un expediente máis: detrás dela están o Club de Remo Náutico Ribeira, os seus deportistas, as familias e a veciñanza de Aguiño, que levan demasiado tempo agardando por unhas instalacións necesarias”.
O grupo socialista critica tamén que a alcaldesa, María Sampedro, “dedique a semana a aparecer en fotos e a publicitar promesas de futuras obras, mentres Ribeira segue agardando por actuacións que xa deberían estar rematadas e que acumulan atrasos de máis dun ano”.
O PSOE lembra que a obra xa contou con varias ampliacións de prazo: primeiro ata decembro de 2025 e despois ata marzo de 2026. "Ademais, os informes técnicos municipais advertiron que os motivos alegados pola contratista non parecían alleos á súa responsabilidade, polo que o Goberno de Ribeira debe actuar e velar polos intereses da veciñanza”, explica Suárez-Puerta.
O edil socialista indicou que “cada mes de atraso prexudica directamente un club que representa a Ribeira, que ten unha actividade deportiva constante e que precisa estas instalacións para desenvolver o seu traballo en condicións axeitadas”.
Por iso, o PSOE local reclama que o Goberno local “inicie de inmediato as actuacións necesarias para conseguir que se entreguen as instalacións na maior brevidade posible, que se examine formalmente o incumprimento dos prazos e que se valore, se procede, a imposición das sancións contractuais correspondentes”.
“O Concello non pode limitarse a esperar; ten que defender o interese público, garantir que a obra se remate canto antes e dar unha resposta clara ao Club de Remo Náutico Ribeira e á veciñanza de Aguiño”, concluíu o portavoz socialista.
- La orquesta que quiere devolver a las verbenas las canciones que marcaron a toda una generación
- Suspendido el mayor festival de música urbana de Santiago
- Val do Dubra despide a la exconcejala Celsa Oreiro tras su fallecimiento y decreta dos días de luto
- Del sobrino de Pondal a una tía de Rajoy: el CSIC recupera la ciencia gallega depurada por el franquismo
- Cuando Galicia estuvo en el epicentro del debate nuclear: medio siglo de la autorización para una central en la costa de Lugo que nunca llegó a levantarse
- El primer parking subterráneo público de Ames, de pago, listo en O Milladoiro
- Netflix busca en Galicia figurantes para rodar el final de ‘Clanes’ cerca de Santiago: esta es la profesión muy arraigada que piden
- PP y Espazo Común critican la falta de transparencia en la apertura del aparcamiento municipal de pago en Milladoiro
