Marta Villaverde recoñece a traxectoria das xentes do mar en Muros durante os actos na honra da Virxe do Carme
A conselleira asistiu ao acto relixioso e á homenaxe aos xubilados e xubiladas do mar
Marta Villaverde, terceira pola dereita, e Daniel Formoso, á súa dereita, xunto a outros asistentes ao acto relixioso oficiado este venres na igrexa parroquial de Muros. / Cedida
Añádenos en GoogleA conselleira do Mar, Marta Villaverde, participou este venres nos actos solemnes organizados en Muros con motivo das festividades na honra da Virxe do Carme.
A titular autonómica asistiu ao mediodía ao acto relixioso na igrexa parroquial de Muros, unha emotiva cerimonia en memoria dos mariñeiros falecidos no mar, e posteriormente desprazouse ata o edificio da antiga Fábrica de Sel para presidir a XXXIII Homenaxe aos xubilados e xubiladas do mar de Muros.
Villaverde, felicitando unha das xubiladas do mar homenaxeadas en Muros. / Cedida
Durante o encontro de recoñecemento, Villaverde enxalzou "a fortaleza, a dedicación e o legado incalculable dos profesionais que dedicaron a súa vida ao sector marítimo-pesqueiro galego".
Ademais, subliñou que estas homenaxes "serven para poñer en valor o esforzo de xeracións enteiras que situaron Galicia como referente pesqueira", e reafirmou o compromiso da Xunta "para seguir apoiando e garantindo o futuro dun sector que constitúe o motor socioeconómico das comunidades costeiras".
Nesta ocasión, as homenaxeadas foron as mulleres e homes xubilados do mar nados no ano 1947. Entre elas, sete mulleres mariscadoras.
Pola esquerda, Juan Gestal, María Lago, Daniel Formoso, Marta Villaverde e Marcos Lijó. / Cedida
Na homenaxe participaron tamén a alcaldesa, María Lago; a tenente de alcaldesa, Caridad González; o patrón maior de Muros, Daniel Formoso; o doutor Juan Gestal; e Marcos Lijó, representante de Almacéns Castillo, empresa patrocinadora do acto.
"Fai xa uns aniños que deixáchedes a vida activa, mais quen foi de mar, éo sempre", asegurou María Lago. “O descanso do mariñeiro, cheo de botes de sétima lista, liñas e polbeiras, cheo que empanada de orolas, arroz de berberechos e fideos con ameixas; un descanso que sabe a fogar, pero que nunca para”, engadiu a alcaldesa.
- Las mejores orquestas de Galicia se reúnen a media hora de Santiago esta semana: Panorama, París de Noia, Los Satélites y Olympus en una fiesta de cinco días
- Borja Verea aspira a gobernar Santiago en 2027: «Un alcalde ten que ser útil»
- Ni Ensanche ni Casco Histórico: los barrios de Santiago en los que el alquiler se come casi la mitad de la renta familiar
- 50 familiares, varias generaciones y un mismo apellido: la familia Blanco vuelve a reunirse en A Estrada
- Una sola inyección para frenar la pérdida de visión: el nuevo tratamiento contra la degeneración macular
- “Padrón es el pueblo donde más vendemos”: madrugones, tradición y oficio en el mercado dominical
- La orquesta gallega que sale al escenario sin saber qué canciones tocará: 'El público decide la verbena
- Nace una nueva comisión de fiestas en Santiago para 'facer cidade': 'Queremos recuperar ese espíritu das grandes festas populares
