O cardiólogo José Ramón González Juanatey será o pregoeiro das Festas do Carme do Porto do Son
Serán do 7 ao 11 de setembro e actuarán Capitol, Olympus, La Banda de Ayer, Alana, a Banda de Caamaño, Origen, Los Satélites, New York, Marbella, París de Noia e a Charanga Os Celtas
Luís Oujo, no centro, con membros do seu Goberno, na presentación das Festas do Carme. / Cedida
Añádenos en GoogleO alcalde do Porto do Son, Luís Oujo, acompañado por membros do Goberno local, presentou a programación das Festas do Carme, que se celebrarán do 7 ao 11 de setembro. Serán cinco intensas xornadas cheas de festa, música en directo e tradición. O pregón correrá a cargo do cardiólogo José Ramón González Juanatey.
O rexedor animou “a gozar destas marabillosas festas, que son unha das celebracións máis destacadas do noso municipio” e agradeceu “a todas as persoas que fan posible levar a cabo estas festas e que permiten que veciñanza e persoas visitantes poidan gozar de cinco días de celebración con actividades variadas para todos os públicos”.
Programación completa
As cinco xornadas festivas comezarán coas dianas e alboradas do grupo de gaitas CanleBó. O luns 7 haberá saída dos cabezudos Os Viqueiras de Ordes desde o CEIP Santa Irene cara a Praza de España; pregón; e verbena a explanada portuaria coa orquestra Capitol e a sesión de Discomóbil.
O martes 8, saída da imaxe da Virxe do Carme en procesión desde a capela da Atalaia ata a explanada portuaria; misa solemne; procesión marítima coa tradicional ofrenda floral polos falecidos no mar e tirada de fogos artificiais; e verbena coa orquestra Olimpus, na explanada marítima, e La Banda de Ayer, na Praza de España.
O mércores 9, misas na capela de Loreto ás 09.00, 10.00, 11.00, 12.00, 18.00 e 19.00 horas; misa solemne acompañada pola Banda de Música de Caamaño; sardiñada no campamento de Loreto amenizada por Paco de Leña; concerto de Alana na Praza de España; e verbena na explanada portuaria coa orquestra Origen e Discomóbil.
O xoves 10 haberá misa solemne na capela de Atalaia e posterior procesión acompañada pola Banda de Música de Caamaño; e verbena na explanada portuaria coas orquestras Los Satélites e New York.
E o venres 11, misa solemne na igrexa parroquial e posterior procesión acompañada pola Banda de Música de Caamaño; inchables Tikolandia e xogos para a rapazada no xardín portuario; e verbena coas orquestras Marbella, na Praza España, e París de Noia, na explanda portuaria, ademais da sesión de Discomóbil. Á medianoite será a gran sesión de fotos de artificio e, a continuación, Festa da Auga con traca final acompañada pola Charanga Os Celtas.
- Muere ahogado en una playa de O Grove Carlos Nieves, histórico concejal del PSOE de Santiago que estuvo 24 años en Raxoi
- Llegan de Gran Canaria con sus dos hijos de 3 y 4 años para hacer el Camino tras una depresión y acaban siendo 'el aliento' de otros peregrinos
- Fallece el exalcalde de Negreira José Manuel López Tuñas
- Las tres boyas gallegas baten en agosto sus récords históricos de temperatura más alta: «Hay especies marinas que se están desplazando hacia el norte»
- La última oportunidad del verano para ver juntas a Panorama, París de Noia y Los Satélites: a 30 minutos de Santiago y con fuegos artificiales
- Buscan en Negreira a José Manuel Baña Sieira, un vecino de Campolongo desaparecido desde este jueves
- Santiago se convierte en un cluedo en vivo: un asesino, nueve pruebas y una noche para sobrevivir
- Del mercado de ganado en la Alameda a un Toural lleno de carros: así era Santiago hace un siglo a través de la mirada de Ruth Matilda Anderson
