Outes, unha terra entre o mar e a montaña

Os visitantes que opten este verán por Outes atoparán, na localidade, un lugar abrazado polo mar e pola montaña, onde cada recuncho nos ensina un espazo labrado por xeracións de labregos e mariñeiros ao longo dos séculos. Dende os seus cumios temos as mellores perspectivas dos vales, ríos e do espazo costeiro que engalana todo o territorio do concello. Entre os seus atractivos destaca o o Espazo Museístico da Carpintería de Ribeira Estaleiro de Ciprián, que xorde a partir da rehabilitación integral dun antigo estaleiro abandonado situado na enseada de Broña, co obxecto de reconvertelo nun museo sen perder a esencia da súa actividade: a construción de barcos.

ESPECIAL ESCAPADAS CON ENCANTO 2025

ESPECIAL ESCAPADAS CON ENCANTO 2025

Ademais de gozar da súa gastronomía, con varias opcións baseadas nos excepcionais produtos da terra, en Outes o visitante poderá vivir ducias de aventuras, dende actividades náuticas de lecer e deportivas no corazón da ría de Muros e Noia a andainas, escalada ou barranquismo polas montañas e ríos que atravesan o noso territorio.