Pechan a oficina dos emigrantes en Vimianzo por falta de relevo

A Asociación de Emigrantes Retornados da Costa da Morte, despois de dez anos ofrecendo apoio e asesoramento a este colectivo, pechará este mes a súa oficina de Vimianzo por falta de relevo na súa xunta directiva. “Convocamos dúas asembleas e ninguén quixo facerse cargo”, afirma o portavoz, José María Rocha.

Non obstante, o propio José María e a avogada María Vieitas, quedan “á disposición dos emigrantes para apoialos no que precisen”. O Concello ofreceulles un local na casa consistorial e os interesados poden chamar ao número 626 971 593.

Logo dunha década de traballo, Rocha asegura que o balance “é moi positivo”, pois grazas á unión dos afectados conquerirón que o límite de ingresos para presentar a declaración da renda no caso de ter dous pagadores “subiu de 11.200 a 15.000 euros” e ademais quenes superen este límite “poden agora solicitar á Seguridade Social que lles aplique unha retención mensual do IRPF”.

Froito das accións xurídicas conqueriron “que Estrasburgo nos dese a razón e rexeitase a dobre imposición, pero seguimos á espera de que se aplique a súa resolución en España”. Lamenta, iso si, que por negarse Facenda a dar facilidades, “o 75 % dos emigrantes aínda non regularizaron a súa situación”.