As regueifas reviven nas escolas
CERTAME Corenta e tres versións competiron na sexta edición do concurso Enreguéifate, que xa ten gañadores // Trinta e cinco foron de estudantes // O proxecto impulsado polos concellos de Ames, Teo, Carballo, Pontevedra e Santiago apoia a difusión da improvisación oral en verso e promociona o galego
A sexta edición do certame Enreguéifate xa ten gañadores e, visto o alto nivel acadado e a elevada participación, pódese dicir que as tradicionais regueifas teñen garantido o seu futuro. O xurado tivo que valorar un total de corenta e tres: trinta e cinco delas inscritas na categorías escolar e oito na xeral, as cales poden verse na canle de Youtube do certame e na web enregueifate.gal.
Trátase dunha iniciativa impulsada polos concellos de Ames, Carballo, Pontevedra, Santiago e Teo co fin de apoiar a difusión da improvisación oral en verso (regueifa) para contribuír por medio dela á promoción do uso da lingua galega.
Como en edicións anteriores, o certame contou con dúas categorías: unha xeral, para calquera persoa, e outra escolar, para o alumnado dos centros educativos galegos non universitarios. Outorgáronse un total de seis premios en cada categoría.
Na modalidade xeral, o galardón para a regueifa máis brava recaeu en Os e as regueifeiros de Compostela por "Tempo de notas", mentres que Iván e Aroa, coa "Regueifa da adolescencia", levarán o premio á regueifa máis aguda. A máis diversa foi "Café con leite", de Intercontinental; a máis reivindicativa, "A regueifa pedra Angular-freestile", de Arrieiro e Chaminho; a mellor falada, "Fachenda da nosa terra", da Escola de Regueifa de Carballo; e a mellor cantada, "Regueifa co espello", de Chámame lexión.
E na categoría escolar os premiados foron Vivantistas de Dodro, con "Interxerando" (a máis brava); o alumnado de 2º B do CEP Xosé Neira Vilas, con "A Neira Horta" (a máis aguda); a clase de 1º B do CEIP Quiroga Palacios, con "Superheroes do cotián" (a máis diversa); Regueifeirxs chairegxs, con "Regueixornal" (a máis reivindicativa); Uxía e María do Camballón, con "A nosa lingua"; e os escolares de 6º do CEIP Agro do Muíño, con "Rosalía" (a mellor cantada).
O xurado estivo formado por Socorro García Conde, técnica de normalización lingüística do Concello de Carballo; Manolo Maseda, mestre, músico e regueifeiro; e Séchu Sende, mestre, escritor e regueifeiro. A entrega dos premios terá lugar o día 14 de abril na Gala Enreguéifate-Regueifesta, que se va celebrar no Auditorio de Galicia, en Compostela. Está previsto que participe un milleiro de persoas, entre escolares e alumnado improvisador chegado de diferentes puntos de Galicia e tamén de centros educativos das comunidades de Euskadi e Cataluña.
A gala será conducida por Manolo Maseda, Séchu Sende, Lupe Blanco e Olalla Liñares e adiantan que será “unha viaxe polo mundo da improvisación oral en verso, na que tampouco faltará a música en vivo”.
Lembrar que o proxecto Enreguéifate inclúe, ademais do certame e da gala anual, accións formativas para alumnado e profesorado, que se imparten ao longo do curso.
- Persiguen por las carreteras de Sar a una veinteañera sin carnet que terminó tirada en un arroyo
- Evacuada una mujer en helicóptero tras ser golpeada por un tractor en A Estrada
- Tras la tempestad llegan la calma... y las sorpresas: rodaballos XL y hasta bocartes en la ría de Muros-Noia
- Louzao Dono es ya nuevo alcalde de A Estrada con la autovía hacia Santiago, la vivienda o industria como principales ejes
- David Santomil deixa a Corporación amesá tras doce anos para dar paso a unha renovación xa “rodada” no Bloque
- Bugallido: la parroquia de Ames que llevó al éxito su propio ciclo sobre salud tras implicar a vecinos especialistas sanitarios
- Negreira compite con Sevilla con su propia Feria de Abril repleta de música, rebujitos y jarana este sábado
- Muere ahogado un hombre de 80 años en la playa de Caldebarcos, en Carnota