Boiro fomenta a comunicación familiar cun foro que reúne a pais e fillos
Anabel Mosquera, pedagoga e formadora experta en adicións, conduce estes tempos de conversa para persoas adultas
O Concello de Boiro colabora cos centros de ensino do municipio e a comunidade educativa no programa Espazo Familias, que deu comezo este mércores coa primeira sesión no centro social da vila. As xornadas deste ano versan sobre a mellora da comunicación familiar e buscan atender a demanda de darlle voz ás familias e facilitar o diálogo entre os participantes. Están destinadas a nais, pais e titores, a rapaces e rapazas de 8 a 12 anos e a adolescentes a partir de 13 anos, con grupos diferenciados. Ademais, as sesións contan con servizo de canguro para nenos e nenas de 3 a 7 anos.
Anabel Mosquera, pedagoga e formadora experta en adicións, conduce estes tempos de conversa para persoas adultas nos que poder compartir inquedanzas, dúbidas e experiencias das crianzas, escoitar e facerse escoitar.
As sesións inclúen actividades paralelas para a rapazada que xiran en torno á comunicación familiar. Jaime Bello, do proxecto Turbina, está a cargo dos grupos de adolescentes a partir de trece anos, e a educadora social Alba Pérez, dos de entre oito e doce anos.
Están programadas dúas xornadas máis para os mércores 12 e 26 de abril ás 18.00 horas no centro social boirense. Máis información na páxina web espazofamilias.org.
- Persiguen por las carreteras de Sar a una veinteañera sin carnet que terminó tirada en un arroyo
- Evacuada una mujer en helicóptero tras ser golpeada por un tractor en A Estrada
- Tras la tempestad llegan la calma... y las sorpresas: rodaballos XL y hasta bocartes en la ría de Muros-Noia
- Louzao Dono es ya nuevo alcalde de A Estrada con la autovía hacia Santiago, la vivienda o industria como principales ejes
- David Santomil deixa a Corporación amesá tras doce anos para dar paso a unha renovación xa “rodada” no Bloque
- Bugallido: la parroquia de Ames que llevó al éxito su propio ciclo sobre salud tras implicar a vecinos especialistas sanitarios
- Negreira compite con Sevilla con su propia Feria de Abril repleta de música, rebujitos y jarana este sábado
- Muere ahogado un hombre de 80 años en la playa de Caldebarcos, en Carnota