A oficina de Abanca da Picota foi elexida como a mellor do rural de Galicia no 2022
O premio recoñece a excelencia da oficina na atención e servizo ao cliente, así como o cumprimento dos seus obxectivos de negocio
Redacción
O presidente de Abanca, Juan Carlos Escotet, e o conselleiro delegado Francisco Botas, entregaron este xoves aos responsables da oficina da Picota (Mazaricos) a distinción como mellor oficina rural do banco durante o pasado ano.
O premio recoñece a excelencia da oficina na atención e servizo ao cliente, así como o cumprimento dos seus obxectivos de negocio. Sucede nesta distinción á de Baralla (Lugo).
Na Picota traballan catro profesionais e as características principais desta oficina son “a súa estreita conexión coa súa contorna social e a súa especilización nas particularidades do sector gandeiro”, afirman desde Abanca. Subliñan ademais que é tramitadora de axudas PAC e “unha das máis destacadas no financiamento de plans de mellora e novas incorporacións”.
Abanca é ademais un dos patrocinadores das xornadas técnicas da Semana Gandeira de Mazaricos e ten un un convenio coa Asociación Gandeira do municipio.
O presidente e o conselleiro delegado aproveitaron a súa visita a Mazaricos para manter un encontro cos profesionais da oficina e para achegarse á explotación gandeira SAT Busto-Corzón, unha das explotacións de vacún de leite con maior produción de Galicia.
- ÁreaAsí es el peculiar restaurante de Portosín que ha conquistado a la Guía Michelín
- ÁreaEl Clínico frena el alta del acusado del crimen machista de Ribeira, al que no ve aún "en condiciones
- Área“Presionarei en Madrid e na Xunta para resolver os problemas de Padrón”
- ÁreaFormoso adxudicará en abril a obra da variante do último tramo da estrada Galanas-Cacheiras
- ÁreaAguas "excelentes" para el baño: más de 125 playas de la comarca compostelana entran en la selecta lista
- ÁreaPrisión comunicada y sin fianza para el hombre detenido por agresión sexual a una menor en A Laracha
- ÁreaLa Xunta insta al Estado a acelerar los fondos comprometidos para la fábrica textil de Altri
- ÁreaSerea Films fíxose cun Mestre Mateo ‘incubado’ no Milladoiro