Lousame organiza un ciclo de obradoiros grupais para mulleres con discapacidade

O Concello de Lousame e a Asociación de Mulleres con Discapacidade de Galicia van poñer en marcha o proxecto Enrédate, para promover a igualdade de oportunidades na participación social e a autonomía persoal. Formarase a mulleres con discapacidade de Lousame con oito obradoiros grupais e intervencións individuais ata agosto. Abordaranse a autoestima, as habilidades sociais, a violencia cara as mulleres, o empoderamento ou a intelixencia emocional. Anotacións no 674 073 092.