O PP de Camariñas aposta por recuperar e poñer en valor a Ruta dos Muíños do Porto
Ángeles Vázquez percorreu o sendeiro na compaña de veciños e da candidata á alcaldía, Paula Mouzo Mas
Ángeles Vázquez, esquerda, e Paula Mouzo, na Ruta dos Muíños / PP / j. m. ramos
A conselleira de Medio Ambiente, Territorio e Vivenda, Ángeles Vázquez, arroupou este mércores á candidata do PP de Camariñas, Paula Mouzo, e sumouse á reivindicación do partido para recuperar e poñer en valor a Ruta dos Muíños e o río do Porto e a súa contorna.
Vázquez percorreu unha parte do sendeiro na compaña de membros do Partido Popular e sinalou que “é unha pena o estado ruinoso e de abandono no que se atopa”.
Pola súa banda, a candidata do PP, Paula Mouzo, asegurou que quixeron converter “o mitin da Ponte do Porto nun acto de posta en valor desta ruta e do río, por ser unha zona de moito potencial medioambiental e turístico, co seu couto pesqueiro e con todas as posibilidades que ofrece esta contorna”. Unha proposta que incluíron no seu programa electoral. Aproveitaron tamén o acto para explicar outras das iniciativas que o Partido Popular pretende levar a cabo na parroquia no caso de acadar o goberno municipal.
O PP de Camariñas tamén denunciou días atrás o “abandono dos parques infantís de Camelle” e propón un plan de mantemento e renovación dos mesmos.
Paula Mouzo asegura que “o goberno do PSOE debería avergoñarse da falta de mantemento dos nosos parques, e as deficiencias que presentan os de Camelle son preocupantes. É unha mostra da falta de planificación dun goberno que ten tres cargos políticos cobrando e que non se preocupan por cuestións tan básicas como coidar estes espazos”.
No caso dos parques de Camelle din que “hai elementos descoidados, rotos e que mesmo poden supoñer un perigo para os nenos”. Piden unha renovación urxente dos mesmos e demandan que se faga un novo peche, de maiores dimensións, nun dos recintos que están ao carón da estrada na referida vila camariñana.
Os populares propoñen ademais que se faga un plan de mantemento e renovación de todos os parques infantís do municipio. “Queremos un concello atractivo e que facilite a vida ás familias”. Aseguran que, se chegan a acadar o goberno municipal de Camariñas, “esta será unha das nosas primeiras accións. Hai que manter o que temos”, conclúe a candidata, Paula Mouzo Mas.
- Persiguen por las carreteras de Sar a una veinteañera sin carnet que terminó tirada en un arroyo
- Evacuada una mujer en helicóptero tras ser golpeada por un tractor en A Estrada
- Tras la tempestad llegan la calma... y las sorpresas: rodaballos XL y hasta bocartes en la ría de Muros-Noia
- Louzao Dono es ya nuevo alcalde de A Estrada con la autovía hacia Santiago, la vivienda o industria como principales ejes
- David Santomil deixa a Corporación amesá tras doce anos para dar paso a unha renovación xa “rodada” no Bloque
- Bugallido: la parroquia de Ames que llevó al éxito su propio ciclo sobre salud tras implicar a vecinos especialistas sanitarios
- Negreira compite con Sevilla con su propia Feria de Abril repleta de música, rebujitos y jarana este sábado
- Muere ahogado un hombre de 80 años en la playa de Caldebarcos, en Carnota
