O alcalde de Ames insta á empresa Urbaser e aos representantes do persoal a negociar para acadar un acordo e rematar coa folga
O 22 de maio finaliza o decreto de servizos mínimos fixado polo Concello.
Redacción
O alcalde de Ames, Blas García, enviou esta mañá dúas cartas, unha delas á empresa Urbaser e outra á representación sindical dos traballadores e traballadoras, para instar a ambas partes a que se senten a negociar co obxectivo de chegar a un acordo, de xeito inmediato, para poñer fin á folga indefinida que afecta ao servizo de limpeza viaria e do punto limpo do concello de Ames dende o 8 de maio. O 22 de maio finaliza o decreto de servizos mínimos fixado polo Concello, polo que dende a Alcaldía solicitan que de maneira inmediata retomen as negociacións e non se levanten da mesa ata que cheguen a un acordo que poña fin a esta folga que están a sufrir os veciños e veciñas de Ames.
O día 8 de maio os traballadores e traballadoras da empresa Urbaser Ames comezaron unha folga indefinida no servizo de limpeza viaria, para reclamar un novo convenio colectivo propio no que se recolla unha subida salarial equiparable ao incremento do IPC.
Debido a que transcorridos máis de dez días dende o comezo de dita folga non volveu a existir comunicación de ningún tipo nin negociación entre a os representantes do persoal e a empresa Urbaser Ames, o alcalde de Ames, Blas García, enviou esta mañá dúas cartas, unha delas á empresa Urbaser e outra a representación sindical dos traballadores e traballadoras, para instar a ambas partes a que se senten a negociar co obxectivo de chegar a un acordo, de xeito inmediato, para poñer fin á folga que afecta ao servizo de limpeza viaria e do punto limpo do concello de Ames.
En ditas cartas o rexedor municipal indica que a pasividade e maila falta de diálogo entre ambas partes está a xerar malestar e descontento entre a veciñanza amesá, que están a ser os afectados pola falta dun servizo que é básico e fundamental para a salubridade e a hixiene do concello amesán. “Eu, en particular, entendo as reclamacións do persoal da empresa Urbaser Ames e respecto que dentro da súa liberdade realicen estas accións de forza para conseguir unha mellora nos seus contratos e na súa situación laboral” explica Blas García.
O 22 de maio finaliza o decreto de servizos mínimos fixado polo Concello, polo que dende a Alcaldía solicitan que de maneira inmediata retomen as negociacións e non se levanten da mesa ata que cheguen a un acordo que poña fin a esta folga que están a sufrir os veciños e veciñas de Ames.
Por outra banda, o rexedor municipal indica que ambas partes (empresa e mailo o sindicato convocante da folga, a CIG) saben sobradamente que o novo contrato, que aínda non chega ao ano do seu comezo, non pode ser revisado en función do que fixa a Lei de Contratos do Sector Público e se recolle no propio contrato (cláusula número 23), polo que “este Goberno, e en concreto este alcalde carecen de calquera tipo de facultade para solucionar esta situación de reclamación de melloras salariais, xa que estas só lle competen á empresa”, finaliza dicindo o alcalde.
- Localizan a cinco millas de Cabo Fisterra el cadáver del tripulante del velero encontrado a la deriva
- Así es la ruta entre cascadas y molinos más bonita de Ames: apta para hacer con niños y a veinte minutos de Santiago
- Vecinos de Noia denuncian que llevan tres meses sin dormir por el ruido de perros encerrados
- Padrón consegue máis de 60.000 euros para desenvolver o embelecemento turístico do Sar
- Naturgy entra en la carrera por hacerse con el proyecto de la balsa de Cornanda
- Cuatro vecinos de Noia y Ribeira, detenidos en Outes como supuestos autores de un robo en una vivienda
- Cae un grupo criminal al que se le atribuyen más de 40 robos de herramientas y maquinaria por Costa da Morte
- Objetivo: superar el medio millar de bicas en Santiago y Ames para combatir la esclerosis de la mano de ACEM