A Xunta construirá en Noia un novo centro de saúde que duplicará a superficie do actual

Na zona do PAC ampliaranse a área de consultas e a sala de observación, e integrarase dentro deste edificio a base da ambulancia do 061

Casa consistorial de Noia

Casa consistorial de Noia / ECG

O Consello da Xunta aprobou este venres a cesión dun terreo por parte do Concello de Noia para construír un novo centro de saúde en San Lázaro que, con 4.200 m2, duplicará a superficie do actual. Terá 4 salas de técnicas (3 máis que as actuais) para ecografías, espirometrías, retinografías, electrocardiogramas ou cirurxía menor, e consultas de hixienista dental e odontoloxía; ampliarase a área pediátrica cunha sala de observación de dous postos; e na zona do PAC ampliaranse a área de consultas e a sala de observación, e integrarase dentro deste edificio a base da ambulancia do 061.

Asimesmo, o Consello da Xunta autorizou o convenio co Concello de Lousame para construír unha rede de saneamento e unha depuradora cun investimento de 1,1 millóns de euros. Augas de Galicia aportará 887.000 € e o Concello 221.000 €. Dará servizo a Devesa, Silva, Berrimes, Quintáns e Costa.