O BNG de Brión aposta por municipalizar o comedor do CEIP de Pedrouzos
Redacción
O BNG continúa a divulgar entre as veciñas e veciños de Brión o seu programa electoral. Este luns, os nacionalistas publicaban nas súas redes sociais un vídeo protagonizado polo seu candidato á alcaldía, Xosé Penas, denunciando que a conciliación é “inexistente” no citado municipio coruñés.
Este novo vídeo protagonizado polo candidato do BNG á alcaldía do Concello de Brión está gravado diante do colexio público de Pedrouzos.
Precisamente, o Bloque Nacionalista Galego leva no seu programa electoral o compromiso de municipalizar o servizo de comedor “co obxectivo de dar un servizo público e de calidade que responda ás necesidades das familias”, explica a formación.
POUCA CONCILIACIÓN
En opinión de Xosé Penas, a conciliación “non é meter nenas e nenos no estacionamento dun centro comercial, que é o que fixo o Concello de Brión durante o pasado campamento de verán, en plena vaga de calor”, segundo afirmou ao respecto.
O candidato nacionalista á alcaldía de Brión explicaba na gravación difundida nas redes que a día de hoxe as prazas de conciliación son “poucas e caras”.
Asimesmo, asegura que as políticas de conciliación do Concello “tamén carecen de proxecto para os adolescentes e para as persoas maiores”, algo que Xosé Penas se compromete a cambiar para facer “unha conciliación que sexa real e transversal”.
- Padrón celebra o seu San Xoán de Raio coa comida de confraternidade
- Así es el molino de mareas más grande de Galicia que parece flotar en el agua
- Jealsa invertirá 29,5 millones de euros en la ampliación de su conservera Escurís en A Pobra
- Rocío Caamaño presenta en Madrid canciones nacidas de historias reales de sus fans
- Detenido Vidal Padín, 'El Burro', en un operativo vinculado al narcosubmarino 'Poseidón' y a las planeadoras de Ribeira
- El 'hotel rosa' de Vedra, entre los diez mejores alojamientos de España para la Guía Michelín
- Los dos acusados de robar en una casa de Fisterra e incendiarla lo niegan y dicen que solo estuvieron "mirando las mareas
- A Deputación habilita un novo aparcamento con 395 prazas na área da praia de Balarés