Rueda insiste en que “só hai dous modelos: o do sentidiño do PP ou o de Pedro Sánchez”
Arroupou este luns aos candidatos de Carballo, Muros, Outes e Noia // Acompañárono o coordinador nacional, Elías Bendodo, e o presidente provincial do partido, Diego Calvo
O presidente do PPdeG, Alfonso Rueda, xunto co coordinador e director de campaña do PP nacional, Elías Bendodo, e o presidente provincial, Diego Calvo, arroupou este luns aos candidatos populares de Carballo, Noia, Outes e Muros.
Na capital de Bergantiños, Rueda insistiu en que só hai dous modelos posibles este 28-M: “ou a estabilidade e o sentidiño do PPdeG ou o modelo dun Pedro Sánchez ao que non queren nin os seus candidatos”. Subliñou que os candidatos populares saen a gañar e a gobernar en todos os concellos, “e os seus rivais políticos só aspiran a que ao PP lle falte a maioría para poder xuntarse”.
Tamén Elías Bendodo fixo un chamamento á unidade do voto en torno ao PP “para hacer frente a las políticas del sanchismo”. “Somos el único partido en el que caben todos los españoles”, engadiu.
Pola súa banda, o candidato á alcaldía de Carballo, Rubén Lorenzo, asegurou que a súa candidatura “é a única alternativa de cambio” ao tempo que reivindicou o seu desexo de devolverlle ao concello “a condición de cabeceira de comarca e locomotora da Costa da Morte”.
En Noia, os dirixentes populares realizaron un percorrido polo centro histórico e compartiron impresións coa veciñanza, ao tempo que comprobaron os resultados “da xestión eficaz” de Santiago Freire á fronte do Concello desde 2016. Para os próximos catro anos propón a construción dun novo centro de saúde, a posta en marcha do centro de día nas naves da antiga fábrica de Chaínza, a ampliación do solo industrial en Augalevada, a remodelación da estación depuradora, a creación dun local multiusos orientado á mocidade e a remodelación integral do conservatorio, entre outras iniciativas.
Muros foi outra das vilas que visitaron, onde Rueda e Bendodo aplaudiron a xestión de Inés Monteagudo e se amosaron convencidos de que isto se traducirá nun apoio maioritario dos seus veciños este 28-M.
A alcaldesa aspira a acadar unha maioría suficiente para poñer en marcha os proxectos que ten en mente. Os piares do seu programa son a cogobernanza, a participación cidadá, a sustentabilidade do territorio e uns servizos públicos que teñan ás persoas no centro de actuación.
No seu percorrido fixeron tamén unha parada en Outes para reunirse co candidato do PP, Francisco Calo, e o seu equipo, para animalos a seguir traballando con humildade.
- Localizan a cinco millas de Cabo Fisterra el cadáver del tripulante del velero encontrado a la deriva
- Así es la ruta entre cascadas y molinos más bonita de Ames: apta para hacer con niños y a veinte minutos de Santiago
- David Santomil deixa a Corporación amesá tras doce anos para dar paso a unha renovación xa “rodada” no Bloque
- Padrón consegue máis de 60.000 euros para desenvolver o embelecemento turístico do Sar
- Cuatro vecinos de Noia y Ribeira, detenidos en Outes como supuestos autores de un robo en una vivienda
- Cae un grupo criminal al que se le atribuyen más de 40 robos de herramientas y maquinaria por Costa da Morte
- Objetivo: superar el medio millar de bicas en Santiago y Ames para combatir la esclerosis de la mano de ACEM
- Gonzalo Louzao substituirá a José López na alcaldía da Estrada