Fabiola García garante o apoio ao labor social de Aspadex e Apem en Cee
A conselleira de Política Social e Xuventude, Fabiola García, visitou este martes os servizos residenciais, de atención diúrna e centro ocupacional que teñen en Cee a Asociación Pro Enfermos Mentais (Apem) e a Asociación de Padres de Personas con Discapacidad Intelectual (Aspadex), e destacou “a profesionalidade e os coidados que reciben as persoas usuarias dos seus centros”.
Salientou ademais que nos últimos anos se ten avanzado moito na atención ás persoas con discapacidade. Neste sentido, garantiu o apoio da Xunta para que entidades como Apem e Aspadex “poidan axudar cada vez a máis familias e leven os seus servizos a un maior número de persoas”.
Apem ofrece aos seus usuarios servizos de respiro familiar, psicoeducación para as persoas enfermas e tamén para os seus familiares, atención domiciliaria e acompañamento integral, información e orientación, ao tempo que promove campañas de sensibilización e fomenta o voluntariado. Pola súa banda, Aspadex conta cunha vivenda comunitaria e cun centro especial de emprego para favorecer a inserción laboral dos seus usuarios. Dispón tamén de centro de día e dun centro ocupacional no que desenvolven distintos traballos.
- Localizan a cinco millas de Cabo Fisterra el cadáver del tripulante del velero encontrado a la deriva
- Así es la ruta entre cascadas y molinos más bonita de Ames: apta para hacer con niños y a veinte minutos de Santiago
- David Santomil deixa a Corporación amesá tras doce anos para dar paso a unha renovación xa “rodada” no Bloque
- Padrón consegue máis de 60.000 euros para desenvolver o embelecemento turístico do Sar
- Cuatro vecinos de Noia y Ribeira, detenidos en Outes como supuestos autores de un robo en una vivienda
- Cae un grupo criminal al que se le atribuyen más de 40 robos de herramientas y maquinaria por Costa da Morte
- Objetivo: superar el medio millar de bicas en Santiago y Ames para combatir la esclerosis de la mano de ACEM
- Gonzalo Louzao substituirá a José López na alcaldía da Estrada