Comezan en Carballo as obras de derrube dun edificio para poñer fin aos asolagamentos

As obras que está a realizar Augas de Galicia na ponte da rúa Fomento, de Carballo, obrigan a establecer, dende este martes e ata o mes de agosto, novas restricións á circulación co obxectivo de garantir a seguridade. Os axustes débense principalmente aos traballos que se están a realizar para derrubar o edificio número 57 da referida rúa, co obxectivo de poñer fin aos asolagamentos na que é unha das áreas de maior risco de inundación de Galicia.

Carballo dispone ya de un bypass en Muíño do Quinto para reducir el riesgo de inundaciones del Anllóns

As actuacións divídense en tres fases. A primeira durará tres semanas, nas que se procederá ao baleirado do inmoble, ao desamiantado da cuberta e ao derrubamento do segundo andar mediante un robot. Iso obrigará a cortar o carril contiguo ao edificio, e tamén se prohibirá o paso peonil pola beirarrúa. Na segunda fase (do 29 xullo ao 4 de agosto) derrubarase cunha retroescavadora o resto do inmoble, polo que se fará un corte total da rúa. Na última fase (do 5 ao 11 de agosto) retiraranse os cascallos e a cimentación, cortando de novo un carril e a beirarrúa.