Goiáns, Rianxiño, San Roque e Cabío serán os escenarios do festival Paisaxes Sonoras

O parque periurbano de San Roque (Ribeira) acolleu a presentación do festival Paisaxes Sonoras, que organiza a Mancomunidade Barbanza-Arousa para poñer en valor a paisaxe e os recursos patrimoniais da comarca con espectáculos que fusionan música e gastronomía en catro espazos culturais e naturais de gran potencial turístico: o Pazo de Goiáns (Boiro), o Pazo de Rianxiño (Rianxo), o periurbano de San Roque (Ribeira) e o miradoiro de Cabío (A Pobra). 

Los festejos ribeirenses incluyen espectáculos de flamenco, festival de DJ’s y tributo a Extremoduro

O festival comezará en Boiro o día 23 de agosto ás 20.00 horas con Abraham Cupeiro. Seguirá o 24 en Ribeira, ás 12.00 horas, con Uxía e Ruibal, e na Pobra, ás 20.00, con The Rapants e, rematará en Rianxo o 25 ás 12.00 horas con Xurxo Fernandes e Pan sen Fron.

Esta edición, ademais, estará marcada por unha triple fusión entre natureza, música e enogastronomía, con actividades como degustacións e visitas guiadas que se desvelarán proximamente.

Dende este mércores están as entradas á venda no portal Ataquilla, sendo unicamente abonos para os 4 concertos, cun custo de 20 euros máis gastos de xestión.