Empresas punteiras a nivel mundial sitúan a Ames como un referente no eido tecnolóxico

O parque empresarial do Milladoiro acolle empresas punteiras a nivel mundial que sitúan a Ames como un referente nos sectores tecnolóxico e audiovisual. Unha delas é D3 Applied Technologies, que desenvolve solucións de I+D+i para a industria naval e para os sectores aeronáutico, civil e industrial.

La empresa Fish and Food Technology de Ames recibe el premio a la innovación en Transfiere

O presidente da Xunta, Alfonso Rueda, acompañado da conselleira de Economía e Industria, María Jesús Lorenzana, do alcalde de Ames, Blas García, e do CEO de D3 Applied Technologies, Gonzalo Redondo, visitou este mércores as instalacións da compañía e destacou o papel dos emprendedores á hora de xerar emprego de calidade, subliñando que estes son “os que crean riqueza e os que de verdade lle dan valor engadido ás ideas que teñen”.

Rueda recordou que a través da Oficina Económica de Galicia “intentaremos acompañar os proxectos para que todo sexa áxil e para que a burocracia non sexa un problema”, achegando tamén axudas puntuais “para despois multiplicar todas as oportunidades”. Ademais, destacou a aposta da Xunta por reter o talento innovador e atraer investimentos.

Ames es el municipio que más jóvenes sumó en la provincia en los últimos veinticinco años, con un total de 4.304 vecinos

Neste eido, a Administración autonómica conta con medidas para fomentar a posta en marcha de proxectos, como a Rede de Polos de Emprendemento (14 centros espallados por toda a comunidade nos que os emprendedores reciben orientación e asesoramento durante todo o proceso); unha liña de axudas para os gastos de lanzamentos das startups (1,5 millóns de euros na convocatoria de 2024); ou unha rede de aceleradoras desde as que se aposta por dar pulo a proxectos innovadores mediante a colaboración público-privada, entre outras iniciativas.

Pola súa banda, o alcalde, Blas García agradeceu ao presidente da Xunta e á conselleira o seu interese “por coñecer o que facemos en Ames. Algunhas veces nin os propios veciños e veciñas son coñecedores do potencial que temos no noso concello”. García subliñou a importancia do polo tecnolóxico e de innovación do Milladoiro e destacou que empresas como D3 Applied Technologies “son un referente e permiten que dende aquí se traballe no deseño de barcos que compiten na Copa América ous nos Xogos Olímpicos”.

Ames se convierte en un referente europeo en materia de prevención de incendios forestales

“Sentímonos moi orgullosos do que se fai no noso concello”, engadiu o rexedor amiense. “Podemos dicir que Ames é as ás de Galicia, porque somos punteiros en innovación, tecnoloxía, comunicación e audiovisual, pero tamén a nivel demográfico, xa que somos o único concello galego con saldo vexetativo positivo”.

Ames fija la inauguración de la humanización de Milladoiro y del mercado de Bertamiráns para 2027 como Ciudad de la Ciencia

Por iso, Blas García aproveitou o acto e a visita do presidente autonómico, Alfonso Rueda, para solicitarlle a colaboración da Xunta de Galicia “para que Ames continúe avanzando e para que as empresas como a que hoxe visitamos poidan seguir medrando no municipio”.