Guadi Galego xunta mil cinconcentas persoas no parque do Ameneiral

Guadi Galego foi a protagonista do programa Ames en festas na noite do 9 de agosto. A artista residente no municipio amiense congregou a preto de 1.500 persoas no parque do Ameneiral de Bertamiráns.

Presentou os temas do seu traballo Síntese horizonte, unha aposta da propia Guadi Galego pola evolución do seu son, na que amosa todo o aprendido e desaprendido ao longo da súa traxectoria musical. A pasada noite no Ameneiral foi acompañada dunha portentosa banda e dunha produción que destacou pola súa coidada iluminación e posta e escena.

O concurso Canta con Ames xa conta cos doce finalistas que loitarán pola vitoria

No mesmo escenario, este domingo, a partir das 19.00 horas, terá lugar a fase final do concurso Canta con Ames, que vai pola súa cuarta edición e “estase a converter nun fenómeno seguido por xente de todas as idades”, afirma a edil de Promoción Económica, Ana Belén Paz. Destaca así mesmo que nesta edición se superaron todas as barreiras: “O nivel é moi alto e non vai ser sinxelo escoller aos gañadores”, sinalou. O evento retransmitirase en directo a través dos perfís de Facebook e Instagram do Concello de Ames.

Las fiestas de Bertamiráns y Milladoiro unen fuerzas para atraer visitas y diversión a Ames

As 12 persoas seleccionadas polo xurado interpretarán dous temas completos de distinto estilo musical e loitarán por distintos premios económicos. Nesta gran final o público poderá gozar tamén da actuación de Rosa Arauzo, participante na edición do Canta con Ames do ano 2022 e na presente edición de 2024 (aínda que foi eliminada en fase de preselección) que, con 87 anos, é a concursante máis veterana do certame. Así mesmo, Samuel Fernández interpretará unha canción coa súa guitarra, en homenaxe a Paco de Lucía, mentres o xurado delibera.

Nenos e nenas de Ames exploran o medio ambiente nos campamentos Aula da Natureza

O Canta con Ames é un concurso organizado pola concellería de Promoción Económica en colaboración coas asociacións de empresarios Novo Milladoiro e Xuntanza de Empresarios de Ames. A cuarta edición do certame comezou os días 12 e 13 de xullo coas dúas xornadas de preselección, nas que participaron 32 persoas de Ames e doutros concellos, como Lugo, A Estrada, Pontevedra, Vigo ou Madrid. En xogo hai 2.000 euros en premios.