Ames licita a pavimentación das rúas Poeta da Maía, Xesteira e da Feira, en Bertamiráns

A xunta de goberno local de Ames aprobou o expediente de licitación das obras de pavimentación das rúas Poeta da Maía, Xesteira e da Fieira, no núcleo urbano de Bertamiráns, co obxectivo de continuar coa vertebración e cohesión do territorio municipal. O proxecto ten un orzamento base de licitación de 118.799,62 euros (IVE incluído) e forma parte do POS+ 2024 da Deputación Provincial da Coruña.

Esta actuación súmase á xa executada no Milladoiro nas rúas do Muíño Vello, Agro do Medio, do Rego e de Abaixo, así como ás que se van acometer nas rúas Pardiñeiros, Seidón e Panasqueira.

Dotarase dunha nova capa de rodaxe a toda a superficie das rúas con cinco centímetros de mestura bituminosa en quente, previo fresado.

Así mesmo, na rúa da Fiera tamén se acondicionará unha nova superficie de 185 m² con 15 centímetros de zahorra, 15 de grava con tratamento asfáltico semiprofundo e 5 de mestura bituminosa en quente como capa de rodaxe. As obras completaranse coa sinalización horizontal.