Innovador proxecto de procesado de algas e percebes en Muxía

Santiago Pérez, un percebeiro de Muxía, decidiu dar un paso á fronte e emprender cunha aposta decidida pola innovación e a sostebilidade na pesca costeira artesanal. A finais do ano pasado o seu proxecto Abrumar I+D+i By SantiPerez foi unha das iniciativas beneficiarias das axudas da Consellería do Mar, a través do GALP Costa da Morte, por un importe de preto de 267.000 euros que cubren o 70% da inversión para a súa posta en marcha. 

Sabores e saberes da Costa da Morte e da ría de Muros-Noia no Fórum Gastronomic de Barcelona

O espazo no que desenvolverá a súa actividade atópase aínda en obras, e prevé que non entre en funcionamento ata 2025. Este ano realizará probas e ao inicio só ten planificado o uso de percebe e de algas.

El Grupo de Acción Local Pesquera de Costa da Morte recibe 26 proyectos para invertir 6 millones

O conselleiro do Mar, Alfonso Villares, acompañado pola directora xeral de Desenvolvemento Pesqueiro, Marta Villaverde, visitaron este venres Muxía para coñecer de primeira man como están sendo os inicios do proxecto produtivo. O responsable autonómico puxo en valor este modelo de negocio innovador e a súa aposta pola revalorización do excelente recurso que ofrece o mar de Galicia, comercializando novos produtos con sabores e presentacións diferentes que lles permite distinguirse e apreciarse no mercado.

Aprobados 23 proyectos vinculados al mar que movilizarán 7,1 millones de euros en Costa da Morte y Barbanza

Destacou que se avogue por unha liña de elaborados veganos, unha tendencia de consumo á alza, a base de algas mariñas, amosando o dinamismo e proactividade do sector á hora de dar resposta ás cambiantes necesidades dos consumidores.

Os profesionais do turismo de Costa da Morte apostan pola gastronomía autóctona do mar

Tamén manifestou a importancia de que estas iniciativas teñan a vista posta na sostibilidade da actividade pesqueira, mediante o procesado natural e a economía circular, aproveitando ata os descartes, outorgándolles un novo valor coa súa utilización para caldos, fumets ou patés entre outros. “Un modelo que contribúe á economía azul e á competitividade do sector mediante a diversificación das súas actividades, e que ten na pesca artesanal galega un enorme potencial”, afirmou Villares.

Subliñou que estes proxectos serven para poñer en valor o produto de proximidade e a gastronomía local, propiciando a dinamización das economías dos concellos costeiros.