Ames activa o primeiro plan de saúde mental e crea a Unidade de Necesidades Emocionais

O Concello de Ames vén de activar o primeiro Plan municipal de benestar emocional e saúde mental, para previr, promover e atender a saúde mental da veciñanza amesá, especialmente entre nenos, adolescentes e persoas maiores.

Tres obras de teatro marcan o comezo da programación cultural deste outono en Ames

Trátase do primeiro plan de promoción de benestar emocional do Concello, que busca dar unha resposta estruturada ás necesidades reais que se detecten entre a poboación. Para participar nas actividades ofertadas ou para solicitar máis información pódese enviar un correo electrónico ao enderezo uneames@gmail.com ou chamar ao número de teléfono 641 993 858.

Pioneiros do celuloide protagonizan o cartel do festival internacional Cinema Miúdo de Ames

Segundo diversos estudos, aproximadamente un 15% da poboación sofre ou sufrirá algún trastorno mental ao longo da súa vida. O plan do Concello de Ames ten por obxectivo previr e atender as necesidades dos veciños para mellorar o benestar psicolóxico e a súa calidade de vida. Durante o último trimestre vanse impartir intervencións de promoción de benestar emocional e saúde mental no ámbito escolar, un programa grupal para maiores e outro de cesamento de tabaco en grupo. 

El gobierno de Ames recorre el concello con bloc de notas en un vis a vis con los vecinos

Tamén se vai habilitar un espazo presencial de asesoramento, coordinación e derivación para as problemáticas e demandas da poboación infanto-xuvenil e da terceira idade, a través da Unidade de Necesidades Emocionais, que se ubicará no Pazo da Peregrina, en Bertamiráns. 

Ames le cederá a la Xunta un terreno anexo al centro de salud de Bertamiráns para ampliarlo

A concelleira de Promoción da Saúde, Susana Señorís, destaca que Ames é “un concello pioneiro na creación desta ferramenta, que agardamos que mellore a vida dos veciños e veciñas”. Ademais, sinala que “esta iniciativa é unha proba de que apostamos pola saúde, tanto física como psicolóxica”.

Ames, Oroso y Corcubión, los únicos concellos gallegos con más nacimientos que muertes

O alcalde, Blas García, explica que “Ames é un concello de servizos e este programa é un claro exemplo diso. Somos a administración máis próxima e non podemos eludir un dos grandes problemas de saúde do noso tempo. A veciñanza gozará dun programa de saúde mental pioneiro en Galicia. Centraremos a nosa acción na poboación máis vulnerable”. 

No acto de presentación tamén participaron os psicólogos Juan Carlos Permuy e Belén Montesa, de CoidadosÁmente, que se encargarán de impartir e desenvolver o programa.

Obradoiros nos institutos

A promoción do benestar emocional e saúde mental no ámbito escolar densenvolverase tanto no IES de Ames como no IES Milladoiro (nos cursos de segundo de Bacharelato). Vanse impartir obradoiros, de catro horas, para o manexo do estrés e da ansiedade, e para aprender a regular as emocións de forma saudable para o benestar emocional.

Ames vela por la salud mental a través de unas jornadas dirigidas a los vecinos y profesionales

No relativo ás persoas maiores, créase un programa grupal de benestar emocional con encontros en formato taller. Neles traballarase en prol de reducir os niveis de soidade; mellorar a saúde emocional e psicolóxica; incrementar a súa participación social; potenciar o sentido da comunidade; ofrecer recursos e servizos de apoio; promover o envellecemento activo e saudable; e crear conciencia e sensibilización sobre a soidade neste colectivo.

“Somos unha residencia familiar”

Estas actividades vanse impartir os venres, en horario de 17.00 a 19.00 horas, no Pazo da Peregrina, en Bertamiráns.

Pola súa banda, a Unidade de Necesidades Emocionais atenderá aos usuarios os luns de 19.00 a 21.00 horas. No Pazo da Peregrina tamén se desenvolverá o programa de cesamento de tabaco en grupo, os martes, de 18.00 a 20.00 horas.

Suscríbete para seguir leyendo