Brión homenaxea ao antropólogo falecido Carlos Rodrigues Brandâo

O centro social polivalente de Brión acolle este venres dende as 20:00 horas a homenaxe promovida polo Concello ao antropólogo brasileiro Carlos Rodrigues Brandâo, finado en 2023 e responsable de varias investigacións sobre a vida rural en Galicia en parroquias deste municipio.

“O Entroido parécese ao tópico cristián sobre o paganismo pero é unha festa moi católica”

O acto será conducido por Luciano Pena Andrade, unha persoa próxima ao falecido, e servirá tamén como mostra inaugural da exposición Brandâo 1993: Brión a ollo de antropólogo, conformada por unha selección de fotografías realizadas polo homenaxeado no concello e que xa ía ser inaugurada por el mesmo no ano 2020, aínda que finalmente foi adiada pola pandemia.

Haberá dúas conferencias sobre a vida e obra de Brandâo e a cita rematará cunha actuación musical de Iván Vilela, intérprete de música brasileira de xira por Europa. A entrada é de balde, ata completar aforo.