Lalín estrea un novo centro de saúde que evitará desprazamentos a Santiago

Un único edificio que integra centro de saúde, Punto de Atención Continuada (PAC)e atención ás emerxencias do 061.O novo Centro Integrado de Saúde (CIS) de Lalín, inaugurado onte e que entrará en funcionamento o vindeiro luns, reúne nun mesmo espazo unha multitude de usos sanitarios cos que a Xunta de Galicia procura reducir a dependencia dos veciños da comarca do Deza do Complexo Hospitalario Universitario de Santiago de Compostela (CHUS).

Ames le cederá a la Xunta un terreno anexo al centro de salud de Bertamiráns para ampliarlo

Así, este novo complexo unifica servizos para máis de 35.000 persoas dos municipios de Dozón, Rodeiro, Lalín e Agolada. Tamén ofrecerá asistencia especializada para residentes en Silleda e Vila de Cruces, xa que incorpora novas prestacións de cardioloxía, rehabilitación cardíaca ou cirurxía ambulatoria. As previsións das autoridades sanitarias son que esta carteira de servizos poida seguir a incrementarse no futuro e evite o desprazamento dos usuarios a outros centros hospitalarios.

O Son ofrece a Sanidade un terreno para el nuevo centro médico al resultar inviable el edificio de Outeiro

O presidente da Xunta, Alfonso Rueda, participou onte na estrea dun centro de saúde no que o Goberno galego investiu máis de 13,5 millóns de euros na obra e no equipamento das instalacións.

A este montante cómpre sumar os 500.000 euros destinados polo Concello de Lalín ás obras para a urbanización do espazo.

Abre el plazo de alegaciones al proyecto del nuevo centro de salud en A Ramallosa

No seu discurso durante a cerimonia de inauguración, Rueda destacou que esta construción é «un exemplo do compromiso da Administración autonómica cunha atención sanitaria máis próxima, eficiente e resolutiva».