O marisqueo en Muros-Noia comeza con cupos "baixos": "O 95% acabará morrendo"

Uns 1.500 profesionais do marisqueo das confrarías de Noia, Muros, Portosín e Porto do Son comezan este luns, tras un ano sen actividade, a nova campaña de marisqueo, aínda que o fará cunhas "expectativas moi baixas", como indica Santiago Cruz, o patrón maior do pósito noiés.

Os mariscadores de Noia iniciarán unha campaña "difícil" marcada polo temporal

O forte temporal que desencadeou a chegada da borrasca Kirk a Galicia o pasado mércores golpeou con forza ao sector, afondando nas preocupacións que xa afloraban polo pequeno tamaño dos bivalvos: "a campaña empeourou moito co paso do temporal, agora diría que o 30% ou máis está afogado". 

Froito das intensas chovias e as fortes rachas de vento, unha gran cantidade de bivalvos chegou ás praias «arrastrado» pola marea. Para intentar buscar unha solución, dende a confraría fixeron este venres "labores de limpeza e sementamos algunhas crías de berberecho e de ameixas". Así, botaron ao mar uns 280 kilos de ameixa xapónica e 500 kilos de cría de berberecho que foran arrastrados á terra. Unha medida que, aínda que non é, nin moito menos, unha certeza, é a única solución: "tiñamos que buscar unha solución porque senón a cousa vai estar aínda peor». «Calculamos que o 5% poderá sobrevivir, mentres que o 95% acabará morrendo porque xa está moi tocado", engade.

Mil quinientos mariscadores vuelven a faenar el día 14 en la ría de Noia tras un año en paro

Á marxe dos problemas producidos polas condicións meteorolóxicas adversas, dende a confraría sinalan "a apertura da presa do río Tambre en baixamar" como o outro gran problema para os bancos marisqueiros noieses. Neste sentido, o sector urxe dende hai tempo a necesidade de tomar medidas para acabar co problema: "a administración ten que falar con Naturgy e mentalizalos de que non poden abrir a presa en baixamar. A nós perxudicanos moito que non haxa un protocolo para controlalo".

Uns cupos "non moi altos"

Ademais, como recorda Santiago Cruz, a comezos deste mes de outubro, o cabido aprobou cales van ser os cupos establecidos para este ano, unha cota que "non é moi alta". Neste sentido, o cupo establecido a flote é de 8 kilos para o berberecho para o primeiro e o segundo tripulante, e de 5 para o terceiro; mentres que, en canto á ameixa son 3 kilos a xapónica, 2 de babosa e 2 de fina, por tripulante. Ademais, en canto o marisqueo a pé o cupo é de 5 kilos de berberecho, 3 de ameixa xapónica, 2 de babosa e 2 de fina. Unha cantidade "baixa", pero "é que tampouco se pode facer máis".

A necesidade de faenar

Á marxe dos numerosos problemas cos que da comezo esta nova campaña, Santiago non oculta as "ganas de traballar que ten a xente". Unhas ganas, que na maioría dos casos se trata case máis dunha necesidade tras un ano sin ingresos: "hai quen cubre un pouco de axuda, duns 1.200 euros, pero sobre o 40% aínda non cobrou nada e en todo este tempo se tivo que buscar a vida". A pesar destas dificultades, o patrón maior mostrou certa tranquilidade por ver como os pósitos da zona poderán faenar, se as cousas non se complican. "Por sorte, aquí, na ría de Muros-Noia, non hai confrarías que teñan os bancos pechados", indica.

Situación crítica en la ría de Noia: “Nunca habíamos llegado al verano con la mayoría del berberecho sin la talla comercial”

Ao longo desta primeira semana de campaña unha bióloga vai realizar un estudo para coñecer os danos e ver a cantidade de marisco que está tocado. "Este estudo vainos permitir saber con certeza canta mortaldade houbo, pero os mariscadores xa o vemos e sabemos que parte del non está ben", explica o patrón maior, que engade que coa chegada dos resultados "vai acabar confirmándose que hai unha unha mortaldade bastante alta".

Os mariscadores da ría de Muros-Noia comezan así hoxe unha "campaña complicada", que esperan que non acabe de maneira prematura como o pasado ano, xa que "sería outro golpe moi duro" para o sector.