As aulas de Boiro volven contar este curso cunha nova edición do Proxecto EnClave para previr o acoso escolar

O concello de Boiro puxo en marcha o pasado venres unha nova edición do Proxecto EnClave de cara a este curso 2024/2025, un programa que naceu no 2021 co obxectivo de previr o acoso escolar e promover o benestar emocional e a saúde mental nos centros de ensino do municipio. O programa foi presentado polo alcalde, José Ramón Romero, e a concelleira de Ensino, Carmen Silva, que non dudaron en manifestar a súa importancia.

Más de medio centenar de boirenses regresan a las aulas con el curso municipal de educación para adultos

Trátase dun proxecto innovador, que non se desenvolve en ningún outro municipio, no que o Concello inviste 60.000 euros anuais e que fai especial fincapé na saúde mental e emocional dos rapaces e rapazas dos CEIP e IES.

Nesta edición, EnClave constará de sete programas distintos que se van levar a cabo tanto nos colexios de Educación Primario como nos institutos: o programa de Prevención do Acoso Escolar, o programa Detención Temperá da Dislexia, o programa Xogo Dramático, o programa Hixiene Bucodental, o programa de Avaliación Optométrica e Visual e o programa de Saúde Mental, no que se centra especialmente o Proxecto EnClave 2024/2025.