Amicos e Jealsa unidos pola integración de persoas con discapacidade

A asociación Amicos, de Boiro, e a conserveira boirense Jealsa ampliaron o convenio de colaboración co obxectivo de facilitar a integración das persoas con discapacidade, a nivel vital e laboral.

Amicos leva ás rúas boirenses a mostra informativa do autismo

No acto participaron a directora de Relacións Institucionais de Jealsa, Margarita Hermo, e o director xeral de Amicos, Xoán España, que fixeron un balance moi positivo destes máis de dez anos de traballo en equipo. Ambas organizacións traballan de forma conxunta para favorecer a formación prelaboral de persoas con discapacidade intelectual, e para incrementar as oportunidades e apoios dirixidos a persoas con grandes discapacidades, a través da Fábrica Social de Amicos e dos seus talleres prelaborais.

As ecobrigadas de Amicos recollerán residuos con escolares do Pino e Touro

Outro dos piares xira en torno á infancia, coa posta en marcha de proxectos de integración escolar de nenos con discapacidade e a visibilización e sensibilización a través dos programas Badaboom e Festiritititi, e a continuidade da unidade de apoio e estimulación sensorial do centro.

Mil escolares se sumaron en Boiro al gran festival de la inclusión de Amicos

Xoán España salientou «a confianza e o apoio constante de Jealsa», e Margarita Hermo destacou que «esta alianza é un exemplo de como o traballo entre empresas e entidades sociais pode marcar unha diferenza real».