O Concello de Rianxo lanza unha convocatoria de axudas para impulsar o comercio local

O Concello de Rianxo puxo en marcha este xoves unha liña de axudas para axudar á dinamización do comercio da localidade. Neste sentido, estas axudas teñen como finalidade favorecer a existencia dunha actividade estable de promoción e mellora do comercio dentro do ámbito territorial. Así mesmo, trátase dunha iniciativa programada e desenvolta polas entidades asociativas do sector.

"Esta liña de axudas, que por primeira vez se convoca no noso municipio, pretende dinamizar o noso comercio local a través dunha subvención directa aos colectivos asociativos do concello, para que poidan seguir impulsando a actividade económica de Rianxo, reforzando o tecido empresarial e creando oportunidades de emprego para a veciñanza", sinalou o alcalde, Julián Bustelo.

O rexedor tamén anuncio que dende o Concello están traballando nunha segunda liña de axudas ás iniciativas empresariais coa intención de poñela en funcionamento nos próximos meses.