Mariscadoras e redeiras achegan os labores do mar ao IES Maximino Romero de Baio

O 15 de outubro, Día Internacional das Mulleres Rurais, o Ministerio de Agricultura, Pesca e Alimentación recoñeceu á asociación de redeiras O Fieital de Malpica pola súa achega na innovación no sector pesqueiro e acuícola cun terceiro premio nesta categoría. No IES Maximino Romero de Lema, de Baio (Zas) quixeron dar a coñecer ao alumnado de 2º, 3º e 4º ESO o traballo destas mulleres da man da redeira Ángeles Millé, que é ademais secretaria de Anmupesca, e de Jacqueline Lista, presidenta da agrupación de mariscadoras e patroa de barco de Camariñas.

Premio al instituto de Baio por un vídeo de promoción de la igualdad

Ángeles describiulles o traballo das redeiras, ensinoulles as artes e aparellos de pesca coas que traballan, e comentoulles que se desaprazan a traballar a outras zonas de Galicia, así como as actividades de divulgación e formación que realizan dentro e fóra da nosa comunidade. Subliñou o papel referente da asociación de redeiras de Malpica ao ser a primeira en constituírse en España tras a catástrofe de Prestixe, cuxa loita conseguiu para este sector a cualificación profesional da súa actividade.

Pola súa banda, Jacqueline Lista contoulles en que consiste o marisqueiro, que especies colleitan e como as recollen, os aparellos que empregan ou como se protexen das inclemencias metereolóxicas. Tamén este labor, grazas ao asociacionismo pasou de ser un complemento da economía familiar de coidadoras da familia á profesionalización.

Arantza Portabales abriu os encontros literarios do instituto de Baio co Club de Lectura de Adultos

A actividade, que foi promovida pola Asociación Nacional de Mulleres da Pesca (Anmupesca), compleméntase coa exposición fotográfica As mulleres da pesca: traballo invisible, pero esencial , que permanecerá no instituto baiés ata finais de mes.

Violeta Meléndrez achega a Baio novas formas de animar á lectura

Con esta dobre acción o IES Maximino Romero, de Baio, quere contribuír á divulgación e ao recoñecemento do papel que desempeñan as mulleres do rural en xeral, e o destas profesionais do mar, en particular.