A Pobra, Boiro e Rianxo lanzan un programa de emprego para formar a quince mozos en mantemento de sistemas informáticos

Os Concellos da Pobra do Caramiñal, Boiro e Rianxo desenvolverán nos vindeiros doce meses o obradoiro Xuventude I, un programa de emprego para mozos que desenvolven os tres concellos do Barbanza de forma conxunta.

Boiro, Rianxo e A Pobra lanzan un Programa Integrado de Emprego conxunto para formar a un centenar de persoas sen emprego

Os alcaldes dos tres concellos, José Carlos Vidal, José Ramón Romero e Julián Bustelo, xunto coa delegada da Xunta, Belén do Campo, e o director territorial de emprego da Coruña, Juan José Couce, presentaron este luns o programa dun obradoiro centrado en operacións auxiliares de montaxe e mantemento de sistemas informáticos.

Durante a inauguración, a delegada territorial quixo poñer en valor o papel destes talleres na formación teórico-práctica para mellorar a empregabilidade das persoas participantes á vez que contribúen a mellorar servizos para os concellos. Estas iniciativas, financiadas pola Xunta, serven para reforzar a colaboración institucional do Goberno galego e as entidades locais, e neste sentido, Belén do Campo recordou que en Boiro está a punto de finalizar outro taller de emprego dual e que comezará un novo a finais deste ano.

Os veciños da Pobra poderán formarse en Robótica e Deseño e Impresión 3D neste mes de novembro

No caso do obradoiro Xuventude I conta cunha aportación de case 410.000 euros para o seu funcionamento e beneficia a un total de 15 mozos, que terán a oportunidade de formarse nunha especialidade innovadora que lles abre as portas a un emprego máis especializado.

A quincena de estudantes participantes neste taller levarán a cabo traballos de montaxe de equipos informáticos, operacións auxiliares de mantemento de sistemas informáticos e realizarán operacións auxiliares con tecnoloxías de información e comunicación.

Neste obradoiro de formación a representante do Goberno subliñou que, a maiores de formarse e realizar un traballo de interese público remunerado, estas persoas obterán un certificado de profesionalidad e, unha vez completen a súa formación, terán a posibilidade de traballar nunha empresa do ámbito das materias impartidas.